世界盃2022｜專欄:英格蘭勢破冷鋒

近日香港天氣突然轉涼，北風來襲氣溫急降，各位球迷夜晚睇波之餘要記得保暖！而呢股「冷鋒」似乎吹到去卡塔爾?邊，令今屆世界盃十六強出現好多新面孔。其中丹麥、墨西哥、德國及比利時等熱門於分組賽相繼下馬，而美國、澳洲及韓國則取而代之取得淘汰賽出線資格，最後當然唔少得大家講咗幾日嘅「日本一點八八毫米的奇跡」。

作為今屆表現對辦嘅日強隊之一，英格蘭將會喺今晚十六強對戰塞內加爾，相信佢嘅陣容，各位球迷都相當熟悉，值得留意嘅係上屆神射手中鋒哈利卡尼，雖然今屆暫時仍然係零入球，但已經貢獻咗三個助攻；另外中堅哈利馬古尼喺國家隊表現脫胎換骨，除咗後防一夫當關外，亦有賴隊友勞基梳爾及捷比亞提供出色的傳送，令其頂上功夫於死球進攻時，亦相當具威脅力。而且基爾獲加已正式傷瘉復出，領隊修夫基嘅陣容選擇上，可以更有彈性。

塞內加爾雖然後防有艾度亞文迪及高列巴尼在陣，但係中場伊祖沙古爾被罰停賽，佢拍檔高耶迪亦仍然傷病成疑，使塞軍中場更見薄弱，面對傷疲盡起嘅英格蘭似乎再難爆冷。  - 球樂

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。