Juicy叮｜吊頸假鷹趕雀失敗反惹一身屎 網民耻笑：成隻企鵝咁

有備受雀患困擾的網民在淘寶買了一隻「鷹」幫助驅鳥，但事與願違，還得為清理「鷹」身的雀屎而煩惱，上網向網民跪求趕雀妙法。有經驗的網友紛獻計相助，但也不忘耻笑這隻「呆若木鷹」以假亂唔到真。

現場情況及網民回應請點擊組圖瀏覽：

「呆若木鷹」以假亂唔到真。網圖

 

有網民建議「掛粘老鼠膠」。網上截圖

 

網友批評假鷹「個造形唔得，要展翅，成隻企鵝咁」。網上截圖

 

網民指「雖然我唔係雀，但係我覺得呢隻鷹唔夠威武」。網上截圖

 

有網友建議買蛇。網上截圖

 

建議買蛇的網友附圖講解。網圖

 

網民獻計購買另一神器——「超聲波靜音驅鳥器」。網圖

 

上載相片的樓主表示「以為有用，啲屎抹完又抹，有冇好介紹，跪求」。網友一呼百應，紛紛獻計如下：

●「掛粘老鼠膠，一定可以阻嚇到麻雀，我屋企就係用呢個方法」；
●「買蛇啦，所有雀仔都驚蛇，因為雀仔都要瞓覺，就係企喺樹上瞓覺，蛇又係住喺樹上，係雀仔天敵。條蛇尾最好懸空，有少少風吹嘅時候會揈吓揈吓，好似郁緊咁，會比較真實」；
●「我有少少分享，我外出嘅冷氣機散熱器，成日有d白鴿入去後/上面痾屎，我後來將有網嘅洗衫袋剪爛，再拉起圍住附近，d白鴿唔知係咪以為我想捉佢哋，佢哋唔敢再飛埋來了」；
●「風箏鷹唔知得唔得，我見有人掛風箏鷹」。

其他建議還有「養隻真鷹囉」、「養隻大花貓」，另有網民介紹淘寶另一趕雀神器——「超聲波靜音驅鳥器」。還有人笑說「你放『羅家鷹』佢地先會驚，放返啲香港鴿見過嘅嘢先得」。

網民還爭相分析這隻「呆若木鷹」失敗之處，指「因為班雀仔知道隻鷹係唔會凌空企咁耐，擺明係流嘅」、「你有見過真實嘅鷹係吊頸式休息嗎？」、「個造形唔得，要展翅，成隻企鵝咁」、「雖然我唔係雀，但係我覺得呢隻鷹唔夠威武」、「係咪唔夠大隻，真鷹好好好大隻㗎」、「你呢隻bb ja」、「坐定定嘅鷹，麻雀仔都唔驚啦」。最後，有網友慶幸自己「好彩無買」，並指「我睇完笑到流眼水」。

帖文來源：淘寶唔開心share （中伏group)
 

 

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。