世界盃2022｜專欄: 喀麥隆進攻或有驚喜

世界盃2022｜專欄: 喀麥隆進攻或有驚喜

今屆世界盃熱門之一阿根廷喺有驚無險之下晋身十六強，最後一場比賽以2:0戰勝波蘭，三戰兩勝得六分以首名出綫。呢個結果對阿根廷球迷來講，可謂放下心頭大石。另一大熱門巴西喺已確定出綫嘅姿態下，出戰第三場分組賽，佢哋嘅對手將會係喀麥隆。

巴西今屆分組賽兩場獲勝，都可以用輕描淡寫來形容。對塞爾維亞嘅賽事，全場壓逼下以兩球取勝，過程充滿說服力；而即使對瑞士嘅比賽要靠卡斯米路喺比賽尾段建功小勝一球，但綜觀全場賽事，巴西表現依然充滿統治力，瑞士偶有反擊，但未對佢哋後防造成真正威脅。

喀麥隆自從首敗於端士之後，喺對塞爾維亞嘅第二場比賽展現出截然不同嘅精神面貌，一度落後兩球之下，最後以3:3逼和對手。尤其是阿布巴卡及祖普莫亭合作炮製扳平的一球，更凸顯到非洲球員嘅爆發力同速度，當然佢哋嘅教練桑治對球隊喺落敗後嘅調整，亦應記一功。

借之前法國隊為鑑，巴西隊喺確定出綫之下，預計只會派遣副選上陣，而且踢起嚟唔會有包袱，而喀麥隆必須取勝以保最後出綫希望，雙方對攻起來，應該會製造唔少入球。 - 球樂

卡斯米路喺瑞士嘅比賽尾段建功小勝一球。Reuters

 

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。