世界盃2022｜專欄: 日本要出線 陣式需要變

日本第一場憑高昂鬥志敗擊德國，以為出線毫無懸念。但係，所謂「期望愈大，失望愈大」，教練森保一喺對戰哥斯達黎加個排陣同部署就匪夷所思，本來身在天堂嘅東洋武士，一下子被打落地獄，睇到呢個處境，艾爾已經下刪一萬字粗口。

德國目前?E組有一分，得失球差係-1，只要今場對哥斯達黎加淨勝兩球，而日本同西班牙打和，德國就可以出線。所以，日本今場對西班牙絕對唔可以求和，因為隔籬場波發生咩事無人會知，做好自己最緊要。

睇番今屆日本隊嘅排陣，今場可能繼續擺四後衛陣式，老將長友佑都同酒井宏樹鎮守邊路。不過，今場面對邊路進攻幾強?西班牙，艾爾覺得日本要變陣，可以轉打三中堅陣式，減低左右兩閘老將防守負擔。進取少少?，可以出富安健洋同三笘薰當翼衛咁打，反擊上都發揮到功效。

中場遠藤航因傷，今場未必可落場，睇下會唔會出動引球推進能力唔錯?田中碧，拍住守田英正或柴崎岳。當然，艾爾最希望森保一嘅戰術上可以充分發揮三笘薰嘅強項，佢?邊路?爆破能力對球隊進攻非常重要。

關鍵時刻轉陣，要森保一呢位咁保守嘅男人作咁大幅度改變，似乎係天方夜譚。不過德國輸畀日本一仗之後，相信西班牙教練安歷基都知森保一到底想點部署。既然原有套路俾人睇穿，不如變招令對手無所適從，可能會有意外驚喜，總好過一成不變，希望森保一唔好再犯上一場咁低級口日錯誤。

投注方面，艾爾估計呢場兩隊會側重邊路進攻，會有一定數量角球，推介角球大細「9.5」大。  -    艾爾

日本今場對西班牙絕對唔可以求和。Reuters

 

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。