世界杯2022｜专栏: 日本要出线 阵式需要变

日本第一场凭高昂斗志败击德国，以为出线毫无悬念。但系，所谓“期望愈大，失望愈大”，教练森保一喺对战哥斯达黎加个排阵同部署就匪夷所思，本来身在天堂嘅东洋武士，一下子被打落地狱，睇到呢个处境，艾尔已经下删一万字粗口。

德国目前?E组有一分，得失球差系-1，只要今场对哥斯达黎加净胜两球，而日本同西班牙打和，德国就可以出线。所以，日本今场对西班牙绝对唔可以求和，因为隔篱场波发生咩事无人会知，做好自己最紧要。

睇番今届日本队嘅排阵，今场可能继续摆四后卫阵式，老将长友佑都同酒井宏树镇守边路。不过，今场面对边路进攻几强?西班牙，艾尔觉得日本要变阵，可以转打三中坚阵式，减低左右两闸老将防守负担。进取少少?，可以出富安健洋同三笘薰当翼卫咁打，反击上都发挥到功效。

中场远藤航因伤，今场未必可落场，睇下会唔会出动引球推进能力唔错?田中碧，拍住守田英正或柴崎岳。当然，艾尔最希望森保一嘅战术上可以充分发挥三笘薰嘅强项，佢?边路?爆破能力对球队进攻非常重要。

关键时刻转阵，要森保一呢位咁保守嘅男人作咁大幅度改变，似乎系天方夜谭。不过德国输畀日本一仗之后，相信西班牙教练安历基都知森保一到底想点部署。既然原有套路俾人睇穿，不如变招令对手无所适从，可能会有意外惊喜，总好过一成不变，希望森保一唔好再犯上一场咁低级口日错误。

投注方面，艾尔估计呢场两队会侧重边路进攻，会有一定数量角球，推介角球大细“9.5”大。  -    艾尔

日本今场对西班牙绝对唔可以求和。Reuters

 

加拿大星岛WhatsApp报料热线：(437)428-9394

下载“星岛新闻(加拿大版)”App，随时看到最新最快新闻：
iPhone：https://apple.co/2IBi812
Android：https://bit.ly/2Pe8anu

订阅加拿大星岛网电邮快讯，每天可收到最快新闻资讯电邮： https://www.singtao.ca/subscribe/singtao.php

>>>订阅CCUE YouTube 频道，查看更多吃喝玩乐、生活资讯影片。