【曾智華專欄】拉叔究竟搞乜鬼?

過去兩周,凡與馬迷及前馬會高層老友聚會,最關注的,並非十二月十一日的《香港國際賽事》,而是——莫雷拉(條友)單嘢點解咁發展?到底香港馬會又為乜會如此處理佢「咁搞法」?
  
眾所周知,馬會要求騎師及練馬師的操守及紀律,非常嚴明,郁郁大刑侍候,以示「權在我手」。例如防疫規矩唔依足,即罰六十萬元(羅富全、葉楚航)!
  
又例如早年潘頓在馬場口出粗言,也是立即重罰,絕不手軟。再近點,騎師利敬國只私人與女友發生「家醜」,也會吊銷牌照,冇得再騎。
  
好嘞,既然慣性如此認真,咁點解今次「拉叔」的處理,咁「縮窒縮窒」,好鬼怪雞喎。
  
小弟的賽馬老友組,內有資深馬迷、馬主及馬評人等,全有以下疑問:
  
一、莫雷拉早前話髖關節有問題,要返巴西醫。佢仍持有香港馬會牌照,只是「告病假」!但點解可以在這段期間,未得馬會批准,就接受日本馬圈邀請,出席十二月十一日的《香港國際賽事》?傳媒更公布佢會騎三匹,包括「麗冠花環」、「拉丁城市」及「滿耀瓶」,是否有啲「視香港馬會如無物」感覺?前馬會高層老友指出,正式做法,應是莫雷拉先回港,由馬會指定醫生詳細檢查,認定適宜出賽,才可接受邀約。如今「自把自為」,完全無規無矩,點解馬會接受?搞乜?
  
二、莫雷拉揚言掛靴,因健康有問題。咁就奇嘞,因咁嘅狀況,竟可周遊列國騎多半年。喂!難免畀人感覺,「身體有事」根本是藉口,實質幕後有不可告人的原因,故才做出古古怪怪安排。
  
三、馬會總裁應嘉柏,為乜會接受呢個安排?假若他日有其他騎師也如此般當「香港馬會無到」,會否仍先「尊重」再「感謝」多年貢獻呢?實在耐人尋味。
  
其實呢單「莫雷拉事件」,一日真相未大白,佢都不宜揸住巴西牌照,另加巴西醫生話OK,就在香港上陣,太過冇規冇矩了,成何體統?
  
講返今晚!上次提供布文三隻,中規中矩,一W一P,W的「銀亮之風」竟有十六倍,嘩!
  
今晚繼續捧佢,尤其「飛凡」及「艮志騰雲」!祝「福有油雞」!

點擊以下6大平台 接收加拿大新聞及生活資訊
加拿大星島WhatsApp報料熱線:(437)428-9394

下載「星島新聞(加拿大版)」App,隨時看到最新最快新聞:
iPhone:https://apple.co/2IBi812
Android:https://bit.ly/2Pe8anu

訂閱加拿大星島網電郵快訊,每天可收到最快新聞資訊電郵: https://www.singtao.ca/subscribe/singtao.php

>>>訂閱CCUE YouTube 頻道,查看更多吃喝玩樂、生活資訊影片。
share to wechat

延伸閱讀

share to wechat

延伸閱讀

【黃庭桄專欄】兩個蘋果

【陳雋騫專欄】三角函數

【高慧然專欄】Lia Thomas的奧運夢

【綠子專欄】來不及的道別之數件小事

都市網新聞