世界盃2022｜專欄: 日本「鬥牛」非易事

世界盃小組賽第三輪比賽已開打，執筆時，A、B兩組已確立最後出線資格。嚟緊十六強比賽，荷蘭將會對陣美國，英格蘭的對手則是塞內加爾。

而「死亡之組」E組嘅形勢同樣懸而未決，暫列榜首嘅西班牙陣中，三位同樣來自巴塞嘅中場線表現令人相當驚喜，布斯基斯經驗老到，夥拍年輕小將柏迪同埋加維，頗有當年沙維加恩尼斯達嘅影子。另外最令人跌眼鏡嘅一定係鋒線，費倫托利斯、馬高阿辛斯奧同丹尼爾奧莫雖然喺球會未受重用，但嚟到國家隊相當醒神！而且還有歐戰經驗豐富嘅艾華路莫拉達隨時候命，為鋒線提供變化。

狂牛兵團喺最後一場小組賽將會面對日本，日本喺上場不敵哥斯達黎加，直接斷送咗出線大好形勢，領隊森保一喺用人選擇上難辭其咎，對比起西班牙教練安歷基更加高下立見。

由於西班牙嚟緊只需要一分就可以確保出線資格，所以賽前就有人擔心佢會「放水」畀日本。但安歷基已表明會強陣出擊，以全取三分為目標確保首名出線，相信日本就算想從西班牙手上拎一分亦絕非易事。- 球樂　

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。