獨家丨林利年過半百唔想離婚孤獨終老 用愛「教」好老婆承諾房事會盡力

56歲的林利和台灣模特兒太太陳貞均(Erin)結婚3年,今年8月,林妻因不滿林利拒行房,呃食呃住等玩公審,林利當時直認「已經沒有愛,何來性?」,婚姻一度亮起紅燈,最近兩公婆就去咗泰國旅行箍煲再渡蜜月。林利接受《頭條日報》獨家訪問時表示會包容及珍惜老婆,坦言年紀唔細,「打打殺殺好攰」,記者見證佢訪問期間不斷報告行蹤,當事人好享受更堅稱生活好開心,因為「幾十歲人仲咁靚仔」,最後仲話房事上會盡力,咁咪好囉!採訪:方騫平 攝影:朱偉彥

56歲林利話自己仲好靚仔及受fans歡迎,生活一啲都唔委屈。
56歲林利話自己仲好靚仔及受fans歡迎,生活一啲都唔委屈。

 

受訪期間兩次同身處台灣的老婆視像通話,sweet到爆。
受訪期間兩次同身處台灣的老婆視像通話,sweet到爆。

 

兩公婆去咗泰國補渡蜜月。
兩公婆去咗泰國補渡蜜月。

 

林利到泰國前曾撇低老婆,「一枝公」低調返港拜祭亡母,順道相約張偉文經理人方俊茶聚:「呢兩年多發生咗好多事,係我一生中最逆境嘅時候,除咗患重病,親人(媽媽)走埋,朋友就係我嘅精神支柱,有咩委屈會去海邊叫吓,搵朋友呻吓。」

張偉文經理人方俊係林利嘅精神支柱。
張偉文經理人方俊係林利嘅精神支柱。

 

方俊同林利好老友。
方俊同林利好老友。

 

林利每次返港來去匆匆。
林利每次返港來去匆匆。

 

林利好珍惜太太。
林利好珍惜太太。

 

林利媽媽去年不敵淋巴癌去世,終年83歲。
林利媽媽去年不敵淋巴癌去世,終年83歲。

 

扮瞓覺扭轉婚姻危機

當日林利喺短短兩小時多嘅訪問中keep住同老婆聯絡,傳文字、圖片訊息都唔夠,還要視像通話兩次報告行蹤,甚至向老婆介紹身邊人,包括記者。𠵱家兩公婆關係,由水溝油變返糖黐豆。他主動交代婚姻狀況:「我哋已經冇乜事,唔係報道中分居及離婚,要多啲包容囉,我年紀都唔細,仲打打殺殺會好攰,退一步海闊天空。」𠵱家林利有好多妙法解決婚姻危機:「我會用溫和嘅方式處理,兩公婆嘈交時,我咪離家等佢落啖氣先;佢去K場飲酒飲天光,𠵱家我唔會叫佢飲少啲,愈叫愈反效果…佢飲完返到嚟我就扮瞓咗,千祈唔好講嘢…」

仲要不停視像。
仲要不停視像。

 

在港期間不時同妻子電聯。
在港期間不時同妻子電聯。

 

林利同Erin結婚3周年,就算點吵吵鬧鬧都會珍惜老婆。
林利同Erin結婚3周年,就算點吵吵鬧鬧都會珍惜老婆。

 

32歲嘅Erin仲未玩夠,林利稱老婆唔夠成熟。
32歲嘅Erin仲未玩夠,林利稱老婆唔夠成熟。

 

讚老婆個底好但要教

林利承認老婆好似𡃁妹咁唔夠成熟,而且直腸直肚,脾氣又大:「我哋又唔係唔夾嘅,需要啲時間囉,佢又唔係成日『發作』,而且台灣啲女人嗲啲,以為鬧完交嗲返就冇事,但其實個心仲有嘢,要慢慢釋懷。」數完老婆缺點,林利即冧返佢:「佢個底係好老婆,唔係壞女仔,但要教,所以要珍惜佢,唉!我都幾十歲處於半退休狀態,之前咁辛苦跑江湖,病又病過,親人(媽媽)又走咗,要對自己及家人好啲,我想要個伴,唔想孤獨終老!除非有第3者就冇得救,但我哋又未行到呢步,暫時全部嘅嘢都可以處理到。」

3月時公然表示珍惜是福,表明珍惜老婆。
3月時公然表示珍惜是福,表明珍惜老婆。

 

今年6月底,林利出post求饒,請老婆息怒。
今年6月底,林利出post求饒,請老婆息怒。

 

去年9月有感而發,在fb發文「家和萬事興。」
去年9月有感而發,在fb發文「家和萬事興。」

 

雖然賣相唔多好,但林利對老婆煮嘅愛心午餐讚不絕口。
雖然賣相唔多好,但林利對老婆煮嘅愛心午餐讚不絕口。

 

今年8月15日發表沉默論,唔想愈鬧愈僵。
今年8月15日發表沉默論,唔想愈鬧愈僵。

 

為妻洗底褲做小男人

言下之意,問到夫妻相處之道係咪靠個「忍」字?林利認為用「教」字會比較貼切:「鍾意一個人慢慢就唔會出聲,要用愛嚟融化佢,我要帶住佢行,因為佢長期畀有精神病嘅媽媽精神虐待,加上疫情下表演少咗,又要供樓同養阿媽,壓力好大。」他又指自己係個好到不得了的老公,但求過啲簡單生活唔介意做小男人,仲自爆唔會出夜街,會留喺屋企煮飯洗衫,甚至幫老婆洗埋底褲。至於被老婆投訴房事唔夠,為咗滿足老婆,他笑說:「𠵱家好啲,交到啲貨!」他搞笑解釋,因為牀上有好多貨要寄,老婆親自處理出貨、入貨,所以日日都要去交貨:「房事問題要搞掂晒啲貨先,只要唔吵吵鬧鬧慢慢就OK,最重要係家和萬事興。」最後林利強調,唔覺得自己受委屈及無用,堅稱:「我不知幾開心,幾十歲人仲咁靚仔及有咁多Fans支持我。」

「小虎隊」於1984年組成,成員林利、孫明光及胡渭康當年都有唔少fans。
「小虎隊」於1984年組成,成員林利、孫明光及胡渭康當年都有唔少fans。

 

林利跟昔日嘅戰友杜德偉、張衛健等保持聯絡。
林利跟昔日嘅戰友杜德偉、張衛健等保持聯絡。

 

林利於2017年不幸患上大腸癌,要定期覆診。
林利於2017年不幸患上大腸癌,要定期覆診。

 

林利讚老婆個底係好嘅。
林利讚老婆個底係好嘅。

 

兩公婆突然變返糖黐豆。
兩公婆突然變返糖黐豆。

 

林利甘願做小男人。
林利甘願做小男人。

 

點擊以下6大平台 接收加拿大新聞及生活資訊
加拿大星島WhatsApp報料熱線:(437)428-9394

下載「星島新聞(加拿大版)」App,隨時看到最新最快新聞:
iPhone:https://apple.co/2IBi812
Android:https://bit.ly/2Pe8anu

訂閱加拿大星島網電郵快訊,每天可收到最快新聞資訊電郵: https://www.singtao.ca/subscribe/singtao.php

>>>訂閱CCUE YouTube 頻道,查看更多吃喝玩樂、生活資訊影片。
share to wechat

延伸閱讀

share to wechat

延伸閱讀

黎明詩逝世|與銀行家前夫離婚後公開認戀同性 與愛人Kelly英國相遇認識30年

性感寫真女星內地驚遇意外!一原因致粉碎性骨折 緊急做手術坐專機返港

黎明詩逝世|兩度參加歌唱比賽落敗 同屆新秀劉錫明奪銀獎 寶珮如都曾是強敵

孖Lokman快閃謝票5分鐘 Ian擔心粉絲頻撲太勞累

都市網新聞