陳展鵬讚對手超班無信心爭獎 監製誇獎超視帝水平盡顯喜劇細胞

陳展鵬在台慶劇《超能使者》飾演的角色「阿鏈」有笑有淚，由輕鬆幽默至沉重，不單情緒起落變化大，還有時間停頓的超能力，搞笑得來又貼地，外表正經的他，連監製文偉鴻也讚他有喜劇細胞、超視帝水準。
文：余潤娟 圖：鄧國良

陳展鵬本身好鍾意《超》這部劇，因角色挑戰性較大，至於有沒有喜劇細胞？他說：「起碼觀眾睇得舒服，要令觀眾看到會心微笑不容易，做演員希望多方面嘗試，不想咁快被定型，這個環境下希望求變，一成不變觀眾都乏味，今次的角色自己都好期待。其實好多喜劇演員在戲外都好正經，甚至少說話，好似周星馳平日說話並非如戲中這麼搞笑，早年黃子華在TVB拍劇，見他食飯、飲嘢及在廠房都好認真攞住劇本研究，埋位拍攝時度出來的對白好正。」

【點擊睇陳展鵬專訪照】：

陳展鵬主演台慶劇《超能使者》大獲好評。

 

陳展鵬有望再奪視帝。

 

陳展鵬獲監製文偉鴻大讚有喜劇細胞、超視帝水準。

 

陳展鵬表示《超能使者》角色富挑戰性。

 

陳展鵬睇好林敏驄或黃宗澤奪視帝。

 

陳展鵬見黃宗澤拍過很多TVB劇集但仍未得過視帝，似乎替他感到不值。

 

《城寨》班底五度合作
劇中他在天橋底被惡人壓着面貼地吃飯一幕，他指人生到這個位是一個經歷，角色大逆轉跌落人生低谷，劇中角色的經歷好似過了多世的人。拍攝期間疫情非常嚴竣，問他如何突破自己的心理關口？「無諗咁多，雖然好污糟，但要投入角色去演，第一take有點不自在，做得呢行就要專業完成工作，劇中有好多打鬥跌落地的動作，每日沖兩次涼，同山聰有時在公司沖完涼才返屋企。」談及他們《城寨英雄》班底已5度合作，還有《隱形戰隊》劇集未推出，問他會否感到悶？他覺得有新鮮的題材及角色便不會悶，無論中西電影及舞台劇，有好多班底合作好耐，班底愈耐愈有默契，他與陳山聰、林子善、唐詩詠及王君馨等合作好開心，大家一齊成長，他和子善及山聰已身為人父，經常交換心得。

睇好林敏驄黃宗澤
2016年憑《城寨英雄》奪得視帝，今年可有信心再封帝？展鵬直言心態已經不同，當年《城》劇好想攞獎，但又好驚觀眾不認同，獎項是一個肯定，沒有人嫌多，過去6年經歷好多，明白人生有幾多個十年。「問我現時攞獎是否有用？可以說不是好有用，頒獎禮年年都有，反而觀眾鍾意個角色，未被睇厭，仍然有機會嘗試不同角色較重要。而且今年對手好強，有林敏驄、黃宗澤及陳山聰等，每位演員都花心機、時間及努力，林敏驄首次拍劇，收視口碑好好；黃宗澤為TVB拍咁多劇未攞過視帝，正所謂手掌是肉、手背又肉，今次要拗手瓜，自己的手瓜不算硬！」

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。