世界盃2022｜專欄：英軍紅龍親密世仇

世界盃小組賽B組嚟緊會進行最後一輪賽事，英格蘭嘅對手係佢「親密」嘅世仇威爾斯。

數百年前，威爾斯曾被英格蘭納入版圖，雖然曾有反抗，但未能推翻英格蘭統治，直到近二十一世紀先開始擁有自治政府法案及獨立制定法例權利。因此，有部分傳統威爾斯人，至今一直唔承認自己係英格蘭人的身分，兩地之間亦一直維持住呢種愛恨交纏嘅微妙關係。

至於足球方面，對比起英格蘭過去幾十年人才輩出，威爾斯代表隊一直未能躋身世界一流之列，直到加里夫巴利、艾朗藍斯等球員橫空出世後，威爾斯的成績才有所改善，更曾於二○一六年歷史性殺入歐國盃四強。而今屆世界盃更加係自一九五八年之後再次殺入決賽周，對威爾斯嚟講自然希望能更進一步，再創造歷史。
　
英格蘭今屆狀態不俗，兩戰得四分暫列榜首，而威爾斯暫時只得一分排榜尾，要出綫必須喺呢場生死戰擊敗三獅先有機會，但雙方實力差距頗為明顯，紅龍軍團只有寄望球場外嘅X Factor可以為球隊注入額外動力，才有望創造奇迹。預計呢場比賽會有唔少入球出現，大手交易可期。球樂

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。