Juicy叮|入職兩周仍未認得其他人 打工仔懷疑新同事有臉盲症

總是無法看清別人的臉孔,就是患上臉盲症?有打工仔在網上發文指,公司一名新同事已入職兩星期,但仍然未能認出其他同事,因此懷疑對方患有臉盲症。

有打工仔在香港討論區以「新同事係唔係有面盲症呀?」為題發文,提到公司近日有一個新同事已入職兩星期,但仍然未能認出其他同事,「明明上一秒同佢介紹完個同事,但下一秒就唔記得咗」。樓主又指,有時候在上班下班期間可能在路上偶遇,或是一同乘搭升降機,明明與對方對望了一下,但對方亦不會主動打招呼,「就同望住一個陌生人冇分別,真係唔知佢係唔想打招呼,定係佢唔識得我係佢同事先唔打招呼」。

請點擊組圖瀏覽:

網民指,「你又唔好咁mean,返新工好多野記㗎」。網頁截圖
網民指,「你又唔好咁mean,返新工好多野記㗎」。網頁截圖

 

有人猜測是新冠肺炎的後遺症。網頁截圖
有人猜測是新冠肺炎的後遺症。網頁截圖

 

有人猜測是長新冠。網頁截圖
有人猜測是長新冠。網頁截圖

 

有人猜測是戴口罩導致辨認困難。網頁截圖
有人猜測是戴口罩導致辨認困難。網頁截圖

 

網民指,「戴咗口罩唔認得有乜咁出奇」。網頁截圖
網民指,「戴咗口罩唔認得有乜咁出奇」。網頁截圖

 

有人則指,對方已自行尋找解決方法。網頁截圖
有人則指,對方已自行尋找解決方法。網頁截圖

 

荷里活巨星畢彼特亦自稱患上臉盲症。路透社圖片
荷里活巨星畢彼特亦自稱患上臉盲症。路透社圖片

 

樓主續指,有一次讓該名新同事將文件轉交另一名同事,「佢行咗一圈都係搵唔到位同事,佢仲話嗰位同事好似行開咗,但我明明就見住果位同事一直都坐喺自己位」,對方隨後表示自己是不記得該名同事的外貌。樓主不禁無奈地表示,「明明都已經返咗兩個星期工,點解仲未認得啲人㗎?仲要我地又唔係咩大公司,佢做大公司咪死得」,又指看到對方特地列印公司的座位表並放在桌上,笑言「第一次覺得原來公司嘅seating plan係咁有用。」

相關帖文隨即引起熱議,有人猜測是戴口罩導致辨認困難,並指「可能戴住口罩所以難認啲?」、「口罩時代,見唔到樣,何來面盲?」、「戴咗口罩唔認得有乜咁出奇」等,亦有人猜測是新冠肺炎的後遺症,並指「可能係中咗長新冠」、「長新冠之腦霧,過一排會好轉」、「可能係腦霧症」等。

另外,有人則認為相關情況並不罕見,並指「好出奇咩?」、「我認人都好差,有次認錯人,叫錯人哋個名,仲要叫好多次,勁尷尬」、「都好正常,第一日返工,唔記得人名同樣,俾啲時間啦」、「去到新公司,要接觸咁多新嘢,記唔到人樣,有幾出奇呀?」、「印seating plan咪證明佢有心做囉,你仲想點?」、「我返兩三個月,都記唔晒」、「你又唔好咁mean,返新工好多野記㗎」等。

畢彼特自稱患臉盲症

臉盲症即面部識別能力缺乏症(prosopagnosia),是指患者看不清別人的外貌,或是對別人的臉型失去辨認能力,主要分為先天及後天。先天是指基因遺傳,而後天則包括曾出現腦部創傷或由疾病所引起,目前仍未有治療方法。患者只能從對方身上的特徵以辨認身份,例如服裝及首飾等。

荷里活巨星畢彼特早前在接受訪問時亦曾表示,雖然未經過醫生正式診斷,但相信自己患上臉盲症,多年來亦因為無法記起或認出別人的外貌而煩惱,並擔心自己因此被誤會性格冷漠及難以親近,亦為此感到羞恥。他指,沒人願意相信他患病,並指希望與其他被同一疾病所困擾的人士見面。

帖文來源:香港討論區

訂閱星島網singtao.ca電郵快訊,每天可收到最快新聞資訊: https://www.singtao.ca/subscribe/singtao.php

【看星島*知天下】請立即下載「星島新聞(加拿大版)」App:
iPhone:https://apple.co/2IBi812
Android:https://bit.ly/2Pe8anu
share to wechat

延伸閱讀

share to wechat

延伸閱讀

預算案|陳茂波︰節流是必須、開源更重要 盡量緩減對弱勢社群影響

警冚屯門無牌酒吧 11男女被捕包括負責人

39歲女子墮網上情緣騙案 失320萬元

專偷銅喉水錶 巴漢涉盜竊被捕揭涉14宗同類案

都市網新聞