世界盃2022|專欄:葡烏「大」戰火力全開

葡萄牙上屆世界盃曾經喺十六強對烏拉圭,最後以一比二僅負出局。睇番今屆各自第一場比賽嘅表現,艾爾覺得兩隊都唔算太好。

葡萄牙上場三比二僅勝加納,後防問題值得關注。艾爾覺得今場唔可以再用丹尼路彭利拿打中堅,因為呢位球員嘅防守意識唔係特別好,體能亦頂唔足全場。雖然比比嘅年紀比較大,但經驗一定比丹尼路彭利拿多,拍住表現唔錯嘅魯賓戴亞斯,起碼會令人安心些少,另外門將亦要換一換人。前綫方面,C朗拿度入咗球十二碼,成為第一位喺五屆世界盃決賽周都有波入嘅球員,但嗰球十二碼都幾有爭議,況且C朗全場表現一般,亦好難寄望佢去番最高水平,艾爾會將焦點放喺翼鋒拉菲爾利亞奧身上。

上場悶和南韓嘅烏拉圭,蘇亞雷斯把握力一般,達雲紐尼斯嘅表現亦唔好得幾多,後備落場嘅卡雲尼無乜發揮機會。球隊比賽後段又試圖不斷傳中,但本身無乜高大球員在陣,對住防守比較好嘅「太極虎」,都好難攞到入波。今場前綫陣容變動應該唔會好大,特別留意費達歷高華維迪,呢位球員效力皇馬嗰陣,除了可以打中場,亦可以打翼鋒,如果今場將佢擺喺翼位,可加強邊路進攻,對葡萄牙會帶嚟一定威脅。

兩隊經過第一場嘅熱身後,狀態相信會再好啲。葡萄牙火力相對烏拉圭強,睇下防綫會唔會換下人啦!烏拉圭有老將高甸鎮守後防,問題唔大,係睇下前綫今場可唔可以醒神番啲。艾爾估計下半場兩隊體能下降,應該會有唔少入波,先考慮全場入球大細「2.5」大,再諗烏拉圭讓球受讓「+0.5/1」下盤。艾爾

訂閱星島網singtao.ca電郵快訊,每天可收到最快新聞資訊: https://www.singtao.ca/subscribe/singtao.php

【看星島*知天下】請立即下載「星島新聞(加拿大版)」App:
iPhone:https://apple.co/2IBi812
Android:https://bit.ly/2Pe8anu
share to wechat

延伸閱讀

share to wechat

延伸閱讀

意甲|摩連奴否認再返車仔 專注建立羅馬

德甲|拜仁3連和 傳施丹接手救亡

西甲|迪比利態勇又要唞三周 沙維:很失望

專欄 郭嘉諾|曼聯攻擊面脫胎換骨

都市網新聞