Juicy叮｜批30歲仍住公屋或租樓失敗 連登仔：有咩理由仲未有物業？

香港樓價高企，導致港人亦大呻難以上車。不過，有網民則直言「有咩理由去到30幾歲仲未有自己物業？」又批評「30歲人仲住公屋或者仲租緊樓真係好失敗」，隨即引起熱議。

請點擊組圖瀏覽：

樓主指，「有咩理由去到三十幾歲仲未有自己物業？」資料圖片

 

樓主批評「30歲人仲住公屋或者仲租緊樓真係好失敗」。資料圖片

 

樓主指，「買樓係基本，基本都做唔到就一定失敗」。資料圖片

 

有人認為，「一個人成功由香港嘅樓定義，咁就真係好失敗」。網頁截圖

 

有人認為買樓並非必須。網頁截圖

 

該名網民在連登討論區以「30歲人仲住公屋或者仲租緊樓真係好失敗（絕對真心）」為題發文，反問「有咩理由去到三十幾歲仲未有自己物業？」他又指，「廢啲嘅咪搵女朋友/老婆一齊供樓，每個人搵2-3萬，已經有5萬月入可以買舊小小嘅樓」，並指「叻啲嘅屋企人贊助少少首期自己一個供，月入5萬已經可以過到壓力測試，一個人供到」，又指「再叻啲就自己一手包辦晒，有份專業嘅話，自己慳啲洗+適當投資，20歲儲到30幾歲冇可能話冇錢」。他續指，看到社交媒體上的留言，「個個失敗者喺度講到有咁誇得咁誇，講到買樓超難喺度圍爐取暖。平時又洗腳唔抹腳，又要即是行樂，又要冇專業技能」，直言「咁失敗都唔知做人為乜」。他又指，「冇人話買樓係一定成功，買樓係基本，基本都做唔到就一定失敗」。

相關帖文隨即引起熱議，部分人認同樓主的看法，並指「30歲連20k都無你有無諗過你之前嗰30年真係有努力過？」、「真係唔難買」、「識大把肯儲錢兩公婆5萬都買到樓，要求唔高大把選擇」、「真心好多FG(fresh grad) 20k，30歲三萬中好普遍下」等。

另有網民則認為買樓並非必須，並指「一個人成功由香港嘅樓定義，咁就真係好失敗」、「有錢都移民啦仲買樓」、「租樓唔好咩？得閒轉下環境」、「認真問點解一定要買樓？識啲人流動資產可以full pay買樓但都揀租」、「住公屋不知幾爽，二千幾蚊就搞掂」等。

帖文來源：連登討論區

 

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。