世界盃2022｜專欄：法國的「媽寶」「兄弟」

今屆世界盃小組賽D組賽事，其中一支今屆的大熱門法國隊，在首場盡顯霸氣，對陣澳洲喺先失一球之下，最後以4:1反勝。基奧特取代受傷退隊嘅賓施馬夥拍麥巴比，兩人包辦四個入球中的三球；正選上陣的中場「媽寶」拉比奧特攻守兼備，於比賽中交出一入球一助攻。該名祖雲達斯中場季初，本來接近加盟曼聯，最終因為其母親兼經理人「據理力爭」之下「成功留隊」，偏偏此子卻因此成為今季老婦人復甦關鍵，帶領球隊由聯賽榜後半攀上第三。今屆喺簡迪同普巴都缺陣嘅情況之下，拉比奧特嘅表現會對法國隊中場起關鍵作用。

另外正選上陣的左閘盧卡斯靴南迪斯，上半場早段因受傷退下火綫，由細佬迪奧靴南迪斯替補上陣。結果細佬發揮佢助攻力強嘅特點，底綫傳中畀拉比奧特頂入扳平一球。由於盧卡斯因為十字韌帶受傷，將會缺席餘下比賽，細佬迪奧有望成為左閘位置嘅及時雨。

今晚法國將會面對首仗賽和突尼西亞嘅丹麥，看上次丹麥全場比賽入局十分緩慢，而且防守漏洞處處都見，如果未能及時作出適當調整，恐怕呢場比賽會再次演變成另一場入球騷。球樂

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。