世界盃2022｜專欄：背城唔一定借到嘢

痛心疾首幾十年嘅英格蘭迷，將足球帶返屋企之心再次跳動；巴西史上首次有一隊逼搶嘅球星，推翻多年形象，Respect。

前晚熱門之一葡萄牙出戰，球證送個十二碼畀失機頻頻嘅C朗拿度開齋，呢啲爭議性判決，從不缺席任何賽事。平時成日阻住全世界慶祝入波嘅VAR，喺呢個全世界等佢伸張正義嘅時刻，居然「笠水」唔出聲。而當時直播台嘅唔知邊把聲，話「球證係咪可以主動睇VAR呢？」我真係即刻笑咗。呢句說話唔單止反映對VAR嘅錯誤認知，更係邏輯上嘅錯誤，主球證只會在「肯定」係犯規時，才會吹十二碼，要一個「肯定」嘅人去主動質疑自己係咩玩法呢？我都係聽番《實況好波》，刺激又熱鬧，0:0悶波都唔怕。

阿根廷輸畀沙特阿拉伯之後出綫機會不樂觀，對住世仇墨西哥，即使背城都未必可借到一。推介讓球下盤「+1」，但我又覺得波蘭唔掂，諗諗下不如買多少墨西哥、沙特阿拉伯出綫，當複式二重彩咁買都幾好。馬高

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。