【曾智華專欄】唔該早啲中

上周與一位香港著名CEO大M晚飯,佢喜上眉梢話:「碌Sir,終於可以『無敵』喇,正呀!」
  
佢講乜?正是早兩星期,大M在歐洲公幹,有朝喉頭痕癢,快測兩條線。反正公司大把錢,就在豪華套房內一邊遙控工作,一邊隔離,七日之後,又一條好漢,可以安全又放心四圍飛也。
  
「其實我呢類人,真係『早中早享受』㗎。N咁多國際會議排到密麻麻,之前成日驚一中招打亂晒大堆計劃。如今變『無敵』,起碼四個月去邊都得,毫無牽掛矣。」
  
同一道理,小弟並非講反話或風涼話,真係恭喜李家超㗎。佢完成晒APEC會議回港才中招,Timing真係Fit!因你知我知,今時今日,大部分人都會/要中招㗎啦。與其擔心唔知幾時中,不如早啲中,好似大M咁,立即變「無敵」,未來幾個月放下心頭大石,部署乜都得。
  
一如本報權威評論員杜良謀在《大棋盤》指出,特首今次中招,即可「安全」地展開一連串外訪。尤其最重要的,正是十二月上京述職。因要會晤多位高級領導,到時你唔使防人,人亦唔使防你。
  
推而廣之,我見身邊朋友,若月底至年底有大型活動的(尤其婚禮),真真憂心忡忡。因訂晒酒店,請齊賓客,若一個唔好彩就在D-Day一日前中招,點搞?損失慘重兼累人累己㗎。
  
呢呢,但假若如今先嚟——你中我中個個中,咁就一天光晒,不用擔心,不用靠估啦。
  
明星騎師一樣。十二月十一日舉行《香港國際賽事》,爭奪總獎金一億一千萬元及無上光榮。呢呢,潘頓就最正啦,又係「無敵」。早前中完,百分百放心。但其他騎師不一樣。若唔好彩十二月頭中,咁就損失慘重矣。故此,會否個個在祈求——唔該,賜我早啲中,咁「變態」呢?
  
周三本欄貼士,又再「中規中矩」,指出希威森應該起筷,結果W出兩隻,且分頭不俗。
  
當晚另一騎師也犀利,正是布文!騎六隻,殺出一W三Q一P,全部好分,因暫時未惹飛!
  
明天老布又「夫卜」,留意三隻半冷「星際精英」、「隱形翅膀」及「銀亮之風」啦,尤其前者,千四專家,今次會現真身。

點擊以下6大平台 接收加拿大新聞及生活資訊
加拿大星島WhatsApp報料熱線:(437)428-9394

下載「星島新聞(加拿大版)」App,隨時看到最新最快新聞:
iPhone:https://apple.co/2IBi812
Android:https://bit.ly/2Pe8anu

訂閱加拿大星島網電郵快訊,每天可收到最快新聞資訊電郵: https://www.singtao.ca/subscribe/singtao.php

>>>訂閱CCUE YouTube 頻道,查看更多吃喝玩樂、生活資訊影片。
share to wechat

延伸閱讀

share to wechat

延伸閱讀

【綠子專欄】來不及的道別之數件小事

【阿濃專欄】一件往事

【康子專欄】平和方正,一「鈴」奪魂

【陳雋騫專欄】三角函數

都市網新聞