世界盃2022｜專欄：英美未必大手交易

執筆時剛好睇完一場蕩氣迴腸嘅E組大戰，日本隊以二以一反勝德國取得小組賽首勝。繼日前沙特阿拉伯同樣以二比一反勝阿根廷之後，再次上映大衞擊倒歌利亞嘅好戲。

嚟緊世界盃小組賽第二輪亦即將上演，英格蘭將會喺星期五晚上三時（星期六凌晨）迎戰美國。三獅軍團喺首戰以6:2輕取伊朗，表現盡顯皇者霸氣，布卡約沙卡、努基梳爾，甚至哈利馬古尼亦表現出優秀嘅比賽狀態，後備上陣嘅菲爾科頓同拉舒福特亦表現搶鏡，後者更取得士哥，顯示咗佢地嘅陣容深度。

美國雖然喺對威爾斯的比賽末段被一比一逼和，但表現絕對唔失禮，體力化的踢法令威爾斯眾將疲於奔命，不惜氣力奔走嘅首推兩閘安東尼羅賓遜同達斯，而前鋒綫上有一代名將佐治韋亞之子添莫菲韋亞，佢取得嘅入球盡顯其靈敏觸覺。

「美國隊長」基斯甸普列錫亦交出與球會自截然不同的表現。然而，大軍名單平均年齡只有二十五歲多，年輕球員未能控制留放係一貫通病，末段體能不足以致被對手逼和，吸收教訓後表現有望更進一步，英格蘭面對佢地應該唔會再次上演入球騷。球樂

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。