独家丨谢君豪惊讶Edan掌掴戏求真打好感动 谈善言主动介绍前度参演玩暧昧

59岁谢君豪跟32岁谈善言在电影《过时•过节》首度演父女,虽然沟通不多,但却有种无形默契,作为前辈的君豪更主动多谢阿谈这好对手,令她受宠若惊。君豪亦跟吕爵安(Edan)初次合作,对呢位戏中儿子印象极好。另外两人又大谈鲜有公开的真实家庭生活,而阿谈更首度分享跟旧爱黄宝漳(Mixson)的合作感受。采访:杜杜 摄影:谭志光 发型:Billy Hai@The Attic(君豪)、Larry Ho@Aveda IL COLPO(阿谈)化妆:JulieH@jlab(君豪)、German Cheung(阿谈)服装:Weekend Max Mara(阿谈)场地:FWD House 1881

君豪跟阿谈虽然相差27年,但两人合作相处融洽。
君豪跟阿谈虽然相差27年,但两人合作相处融洽。

 

阿谈跟君豪第一次见面,已经见识到对方风趣幽默一面。
阿谈跟君豪第一次见面,已经见识到对方风趣幽默一面。

 

君豪同阿谈虽然在网剧《心冤》合作过,但因冇同场戏,所以今次才是正式合作,戏中两人饰演一对沟通极少,但不失默契的父女,二人都觉得戏里戏外都有同样感觉。君豪说:“呢对父女讲嘢唔多,系眼神交流,喺平时接触嚟讲,佢都畀到少少咁嘅感觉我,有啲戏里面嘅关系,我好多谢佢帮到我。”听到前辈的客气话,阿谈劲唔好意思,“你多谢我?我多谢你呀!”君豪解释:“演员系要有对手可以彼此相信,互相承传,所以真系要多谢佢。”

电影中一家四口每次同场都不欢而散,一段车程都可以嗌大交。
电影中一家四口每次同场都不欢而散,一段车程都可以嗌大交。

 

君豪最初睇剧本觉得角色好废,后来才知“旭真”只是用自己方式去表达对家人的关怀和爱。
君豪最初睇剧本觉得角色好废,后来才知“旭真”只是用自己方式去表达对家人的关怀和爱。

 

阿谈赞君豪风趣幽默

君豪完全零架子,难怪阿谈在围读首次见对方已紧张全消,“佢讲对白好沉稳好有力,但同导演或者毛姐(毛舜筠)倾偈时,豪哥风趣幽默𠮶面就走出嚟,令我有种冇咁惊佢嘅感觉。”她这种放松的状况延续到正式拍摄,“我哋有啲戏冇排过,食饭戏或者喺车度啲戏,都系简单望一望,好似戏入面𠮶两父女。”

戏中君豪演沉郁父亲,跟阿谈演的内歛女儿鲜有沟通。
戏中君豪演沉郁父亲,跟阿谈演的内歛女儿鲜有沟通。

 

“阿琪”跟家人关系不好,现实中阿谈跟家人关系不错。
“阿琪”跟家人关系不好,现实中阿谈跟家人关系不错。

 

讲到戏中Edan饰演的儿子,跟君豪有不少冲突,他大赞Edan作为偶像零包袱,跟阿谈一样相当好学,令他最为感动,“都有倾吓偈,尤其是𠮶场嗌交戏,又掌掴又盛,仲有ending𠮶场两父子和解戏,佢都好用心,好在意每个细节,会问点样去投入个戏,好想知道好多嘢,好想令自己做得更加好,呢样嘢系好难得,好可贵。掌掴戏会惊痛𠮶啲,佢完全唔惊,仲坦白同我讲‘你用力,你嚟真啦!’我觉得感动,演员可以咁样。”

君豪对Edan赞不绝口,就算当红依然好想进步。
君豪对Edan赞不绝口,就算当红依然好想进步。

 

君豪罕谈跟囡囡相处

现实中开朗的君豪跟沉郁角色刚好相反,与21岁囡囡采湳亦相处融洽,自觉是个风趣幽默爸爸的他更笑言:“唔知佢觉唔觉得系呀?相处都开心嘅,我有时都引到佢笑,都会成日吹水,哈哈!”他更自爆囡囡跟戏中囡囡有个细节不谋而合,“佢都系成日戴个耳机,但佢唔系扮听唔到,反而系我以为佢听唔到,同朋友讲嘢,佢会无端端搭嘴,原来佢都冇开机!哈哈!”遗传了爸爸活泼一面的君豪,跟家人的关系一直不错,“我爸爸喺酒楼做厨师,以前交通唔方便,佢喺上水做,有酒席做完先收工,朝早又起身,所以放假先返嚟,虽然返嚟时间少,但返嚟都会同我哋玩,我记得佢会同我哋玩康乐棋,𠮶时我得几岁,输咗仲喊,到我十几岁想独立会反叛啲,但冲突又冇,屋企人关系都几好。”

君豪1994年跟太太戚婉仪结婚,2001年诞下女儿谢采湳。
君豪1994年跟太太戚婉仪结婚,2001年诞下女儿谢采湳。

 

阿谈跟健谈的爸爸关系亦不错,“细个同爸爸都close,佢比较贪玩,会带我去踩自行车、行山、游水,反而大啲冇咁多沟通,佢做嘢好忙有时唔喺香港,但佢好锡我唔会闹交。”反而她会跟家姐和细佬有冲突,“我同家姐会打交,试过中学时比较火爆,都唔记得因咩事我哋有啲推撞,一推后面书柜就爆咗块玻璃,要阿妈嚟阻止我哋,不过之后好快冇事。”

阿谈除了跟父母关系好,跟家姐及细佬都好感情。
阿谈除了跟父母关系好,跟家姐及细佬都好感情。

 

君豪审视与太太关系

戏中君豪跟饰演太太的毛舜筠,是对濒临离婚边缘的夫妻,大部份时间都是毛姐在闹他,而他总是默不作声,这亦令君豪重新审视与结婚28年的太太戚婉仪关系,“我会谂戏里面太太咁话我,扭一扭谂法,‘佢闹人个样都几可爱吖!’而毛姐见我鹌鹑咁唔出声,又谂‘佢唔出声个样都几有内涵’,哈哈!事情咪解决,人火起嚟唔系百分百做到,但都会收一收缰,好似戏入面咁样真系覆水难收,唔系闹完就冇事。(对太太都一样?)一定尽量要咁样,唔好好嬲时闹交,双嗌唔好口,唔系咁意思都会讲到更衰,对方接收再放大,收唔到科。”

君豪戏中疯狂被毛姐闹,亦令他审视跟太太相处方式。
君豪戏中疯狂被毛姐闹,亦令他审视跟太太相处方式。

 

君豪认为夫妻相处,一定要识得经常换个角度去想。
君豪认为夫妻相处,一定要识得经常换个角度去想。

 

阿谈跟旧爱Mixson在戏中有段感情戏,原来最初是她主动介绍对方给导演,“佢本身又系backpacker,性格又有啲似,好似好热情同人相处,但其实又好保护自己世界,呢个角色好啱佢。”她认为两人合作没尴尬,今次只单纯做个介绍人,“我同佢拍过拖,知道佢系个咁嘅人,就觉得好适合佢,未必咁多港产片会用到混血儿样嘅演员,只系觉得好啱佢,冇谂太多。”

阿谈跟Mixson分手5年,再见亦是朋友。
阿谈跟Mixson分手5年,再见亦是朋友。

 

阿谈跟旧爱Mixson演对手戏,完全没尴尬。
阿谈跟旧爱Mixson演对手戏,完全没尴尬。

 

 

 

点击以下6大平台 接收加拿大新闻及生活资讯
加拿大星岛WhatsApp报料热线:(437)428-9394

下载“星岛新闻(加拿大版)”App,随时看到最新最快新闻:
iPhone:https://apple.co/2IBi812
Android:https://bit.ly/2Pe8anu

订阅加拿大星岛网电邮快讯,每天可收到最快新闻资讯电邮: https://www.singtao.ca/subscribe/singtao.php

>>>订阅CCUE YouTube 频道,查看更多吃喝玩乐、生活资讯影片。
share to wechat

延伸阅读

share to wechat

延伸阅读

刘嘉玲遇91年《鸡鸭恋》幕后兴奋倾唔停 孖佘诗曼西贡半日游食尽驰名小店丨独家

“飞爷”邓智坚竟撞样张智霖 艺训班导师桃李满门竟是《婚后事》功臣?

云浩影新碟试听会门票被秒杀 设计“心碎版”限定签名予歌迷

43岁男神与两AV女优合体!眼神迷离伸脷风骚甜笑 网民惊讶要合作拍片?

都市网新闻