【曾智華專欄】天星小輪須施大手術

很多很多年前,有一個時任高官對我講:「香港經營公共交通,若靠收車費,蝕死未天光!」
  
事實,強如港鐵,若果冇樓盤、商場、廣告、八達通……等「搵錢機器」,單靠車費收入,真係「你做埋我嗰份」都得嘞。而事實港鐵收費比起其他公共交通,已是最貴,都唔掂!
  
以前點解有財團「捱義氣」做巴士、電車及渡輪?邊會死錯人吖。一方面,現金收入量龐大,日日收。另外,政府好識做。即係你願意啃「豬頭骨」廉價交通服務?我就靜靜雞醒幾隻鮑魚(地皮)畀你。你在A蝕咩,咁在B就賺返到嘔,得啦啩?
  
所以,大家就會見到,N年前的中巴、九巴、電車,以至近二十年的港鐵,全部皆非靠交通收費「發」,而是將廠房地皮攞去補地價,再起豪華住宅及商場搵大錢的,明未呀老友?
  
好嘞,再睇睇,如今天星小輪點搞呢?碼頭個維港海景當然靚到震,但可唔可以在上面起餐廳、商場,甚至豪宅呢?若果得,天星小輪絕對可以免費任搭!但唔得喎。
  
此服務,以前的確不少市民需要,另加來港遊客必搭,故此仍可作「雞肋式」維持住經營。
  
但疫情後,再加上港鐵過海綫猛開,上下夾攻,尤其大熱天日子,邊個會成身汗行去碼頭上船呢?將心比己,好易解釋為乜天星小輪拍晒烏蠅,過去三年蝕到眼坦坦!
  
加價有冇用?當然有,但微。若要基本翻身,必須每年千萬計遊客重臨外,政府更要大改政策,畀天星小輪一條生路行,以善用碼頭增加收入。否則,好易變成一拍兩散。老友,天星小輪由商業集團經營,若年年蝕幾千萬元,大中小股東點解要頂落去?慈善事業乎?政府津貼乎?若乜都唔係,公司決策層為乜要死頂?
  
如今小恩小惠小修小補,甚至加三兩蚊,根本只是吊鹽水,始終冇得搞。
  
唯一方法,吸引財團大量投資,將天星碼頭變為商業餐飲中心,利用維港景吸客,再將賺到的錢補貼交通服務。否則,天星小輪好快變集體回憶!

點擊以下6大平台 接收加拿大新聞及生活資訊
加拿大星島WhatsApp報料熱線:(437)428-9394

下載「星島新聞(加拿大版)」App,隨時看到最新最快新聞:
iPhone:https://apple.co/2IBi812
Android:https://bit.ly/2Pe8anu

訂閱加拿大星島網電郵快訊,每天可收到最快新聞資訊電郵: https://www.singtao.ca/subscribe/singtao.php

>>>訂閱CCUE YouTube 頻道,查看更多吃喝玩樂、生活資訊影片。
share to wechat

延伸閱讀

share to wechat

延伸閱讀

【康子專欄】天無絕人路,人有自絕時

【佚民專欄】多倫多音樂盛宴

【阿濃專欄】兩首《聲聲慢》

【曾智華專欄】幸運馬神會再來?

都市網新聞