【曾智华专栏】Cheap精贴士

畀贴士,各处乡村各处例。早年到美国读书及到加拿大移民,最唔惯为当地餐厅畀贴士文化,不但“老奉”,简直断抢,唔畀唔得,否则反面。
  
而畀,仲要无论服务如何,就算差到飞起,都要畀足。否则追你九条街诅咒。
  
当时真的无法明白,贴士岂可勉强?更岂可不准随意?咁点解唔似香港咁,将加一打埋落单处,大家免拗,不会引起无谓冲突。
  
好啦,后来到内地、台湾及日本旅行,咦……畀贴士,乜一切与美加相反,咁“笋”的呢?一律不收小帐,服务客人乃理所当然,绝不会贴士多啲,服务好啲,否则就黑面,真有种——大只蛤乸随街跳之感。
  
到出社会做事,见人见事多咗,懂得点点世情,知道人性所在,也知乜叫“识做”与“唔识做”,尤其触及人际关系,点解有啲人特别乞人憎,有啲大受欢迎呢?并非似啲蠢人以为一个“钱”字作怪。其实人人有自尊,你在“识做”时,也得放入点点感情、点点尊重。最忌以为有钱大晒,又或去到尽——我系咁㗎啦,吹乒乓乎?
  
畀贴士,我最记得倪匡叔忠告:第一,不要欠人,宁人欠你;第二,贴士畀在前头!
  
第一点,即畀贴士要多过平均的,例如一般人畀二十元,你就畀五十元。一般人畀五十元,你就畀一百元,令服务者点点喜出望外。第二点,贴士——我先主动欣赏你,请勿令我失望,我是罕有的好客!
  
上世纪八十年代倪匡叔的教诲,小弟终身受用不尽,尤其在饮食界,更可广结善缘!
  
昨日坐的士,听到一个“Cheap精”故事,咁都得?
  
的士大佬刚听到台叫:“有冇人执到手机?昨晚由沙田去西贡,内有二千元及身分证,拾获付费一千元,请覆。”
  
司机大佬师傅上身:“又二千元又身分证又电话,系我一定现金唔要,送畀司机!先生,呢个世界乜Cheap精都有。试过一次,丁友由尖沙嘴搭车入沙田,留低咗手机在车,我专诚经隧道送回,你估佢畀几多?XYZ,十元大洋一个!真有冲动兜嘢掟返畀佢,乜人嚟㗎?”

点击以下6大平台 接收加拿大新闻及生活资讯
加拿大星岛WhatsApp报料热线:(437)428-9394

下载“星岛新闻(加拿大版)”App,随时看到最新最快新闻:
iPhone:https://apple.co/2IBi812
Android:https://bit.ly/2Pe8anu

订阅加拿大星岛网电邮快讯,每天可收到最快新闻资讯电邮: https://www.singtao.ca/subscribe/singtao.php

>>>订阅CCUE YouTube 频道,查看更多吃喝玩乐、生活资讯影片。
share to wechat

延伸阅读

share to wechat

延伸阅读

【阿浓专栏】两首《声声慢》

【高慧然专栏】外卖应该付贴士吗?

【陈隽骞专栏】童年十大没用才能

【佚民专栏】多伦多音乐盛宴

都市网新闻