【曾智華專欄】C朗肯定不會掛靴

近日體育新聞變國際大事,所以,上升到國際版,變咗去A疊,因世界盃開打,全球關注也。
  
上周六本報新聞版內頁頭條:《C朗豪言.捧盃即掛靴》!我捽捽眼,再睇真啲,果然如此!當下含在口中的絲襪奶茶,幾乎一噴而出!點解?騎騎騎,即係佢冇諗過掛靴啦吓嘛!
  
眾所周知,過去近二十年,C朗一直是國際球壇的天之驕子,而佢亦非常享受做個高調的巨星,從不掩飾英雄感爆表,愛威也要威!
  
呢種心態,有極強爆炸性,肯定可以將個人潛能發揮至最後一滴,兼且過程中能忍受其他人無法忍受的苦行僧式訓練。咁就解釋到,點解佢可以掃盡所有球壇大獎,光芒四射!
  
不過,講到尾,C朗也只是個人而不是神,也非機器,意即必須經歷正常人的生老病死,由低谷爬上高峰,再由高峰緩緩滑落,冇得願唔願。
  
全世界各個表演行業巨星,皆不會主觀地願意由高峰滑落。故此,歷史記錄,各有不同解決方法。有的非常優雅,有的非常不堪,有的是喜劇,有的是悲劇。一切,都要睇當事人的心態及其幕後經理人的「操控」(例如將搖錢樹揸乾才捨棄)。
  
近日C朗日日成為國際體育版頭條人物,因佢決定以「爆大鑊」來傾訴過去兩年在曼聯的種種不如意,尤其針對領隊坦哈格,擺明決裂。
  
咁搞法,呢條巨大裂痕,肯定無法修補,而C朗亦冇可能再留在曼聯,否則必長期備受杯葛及冷落。巨星行到呢個地步,真係「比處死更難受」。點收場呢?可能要世界盃結束後才知嘞,半個月左右啦。
  
不過,以C朗的鬥心及唔衰得性格,既暫只剩世界盃呢個舞台,肯定會以打甩門牙和血吞的心態面對每場大戰。故此,葡萄牙的賽事應場場精采,戰至最後一兵一卒。
  
但又須講真嘞,足球乃整體之戰,葡萄牙睇來睇去都冇冠軍相(但又絕非零機會),故馬會開盤是十倍,半冷。
  
我點睇?喂,好難過到巴西、阿根廷、德國、法國及西班牙幾關喎。總結——C朗冇得掛靴,因攞冠軍是個夢!

點擊以下6大平台 接收加拿大新聞及生活資訊
加拿大星島WhatsApp報料熱線:(437)428-9394

下載「星島新聞(加拿大版)」App,隨時看到最新最快新聞:
iPhone:https://apple.co/2IBi812
Android:https://bit.ly/2Pe8anu

訂閱加拿大星島網電郵快訊,每天可收到最快新聞資訊電郵: https://www.singtao.ca/subscribe/singtao.php

>>>訂閱CCUE YouTube 頻道,查看更多吃喝玩樂、生活資訊影片。
share to wechat

延伸閱讀

share to wechat

延伸閱讀

【黃庭桄專欄】春夢了無痕

【曾智華專欄】幸運馬神會再來?

【高慧然專欄】外賣應該付貼士嗎?

【阿濃專欄】兩首《聲聲慢》

都市網新聞