【曾智華專欄】尷尬到搵窿捐

任何運動,去到頂級,就是一定要專業,絕對冇人原諒低B行為!演出水準必須符合公眾期望。若做唔到,兩個字——Get Out!
  
上周馬迷老友瘋傳一段笑爆嘴片,主角為曾在香港策騎多年的英國騎師郭能(Neil Callan),在英國金頓馬場跑大長途三千二百米賽事。
  
坐騎為大冷門Ballet Blanc,冇乜人會貼佢,反正冇乜機會。不過,竟然上演一場極度荒誕鬧劇!
  
馬迷皆知,三千二百米咁長,當然唔會跑一個圈,而是跑兩個圈。正常騎法,出閘留住,混入馬叢,跑完一個圈後,就佔據有利位置,入到直路才發力,最後二百米渾身解數推騎及落鞭,如此才有機會勝出或入位。
  
呢場,你估郭能點騎?佢竟然好似黐咗綫,以跑短途跑法,出閘即大力猛騎。其他騎師當然唔會陪佢癲。結果,第一次入直路,郭能大鞭大鞭殺落Ballet Blanc,搞到隻長途馬狂奔,結果「大勝」八個馬位過終點,然後收慢。
  
不過,看台之上,個個擘大口得個窿,連走位員都畀佢嚇到口窒窒,唔識點旁述呢種「跑法」!隻馬的力當然第一個圈已用晒,但……喂!場賽事未完噃,要跑落去㗎!
  
郭能一嚿雲咁,直至後面的馬紛紛過頭,繼續向第二個圈進發時,佢才如夢初醒。但Ballet Blanc畀佢狂鞭一段,力度早全部用晒,故進入第二個圈,立即變軟腳蟹。
  
結果,呢場輸一百一十五個馬位,可能創下「驕人紀錄」!
  
犯上如此低級錯誤,當然要撼頭埋牆認衰啦。結果,郭能從此成為國際馬壇「搞笑歷史人物」,真係瘀爆玻璃冇命賠。
  
講講上周日,本欄單提供一隻「二雋」,小弟本諗住排大外檔,加上今季出兩次都冇表現(其實扮嘢),應該有得分啩?點知臨開閘一睇,冇晒癮,得四倍,結果仲要跑第二,唉!
  
今晚又嚟過,提供「順勢而飛」及「精算赤焰」,睇蔡神仙兩師徒表演!

點擊以下6大平台 接收加拿大新聞及生活資訊
加拿大星島WhatsApp報料熱線:(437)428-9394

下載「星島新聞(加拿大版)」App,隨時看到最新最快新聞:
iPhone:https://apple.co/2IBi812
Android:https://bit.ly/2Pe8anu

訂閱加拿大星島網電郵快訊,每天可收到最快新聞資訊電郵: https://www.singtao.ca/subscribe/singtao.php

>>>訂閱CCUE YouTube 頻道,查看更多吃喝玩樂、生活資訊影片。
share to wechat

延伸閱讀

share to wechat

延伸閱讀

【曾智華專欄】幸運馬神會再來?

【佚民專欄】多倫多音樂盛宴

【陳雋騫專欄】童年十大沒用才能

【曾智華專欄】個個好戲個個觸動

都市網新聞