【曾智華專欄】贊成/反對請舉手

香港人,素來任何事都意見不一。大如國與國政治(中俄衝突、中美較勁、英歐分家……),小如特區政府的防疫政策,永遠有不同意見,你想佢哋統一口徑?冇咁嘅事!
  
不過,近日小弟發覺一單嘢,違反上面的常規理論,真係唔多使民意調查,都知幾乎一致反對,因個個都問:「喂,有冇搞錯呀大姐?」
  
係乜呢?正是政府花費一千三百五十七萬元天文數字金錢,為卸任特首(究竟有乜實質工作必須做呢?)林鄭月娥,在太古廣場租下一個近三千方呎單位三年,作為辦公室(可否公布佢有乜「公」要辦呢?)。呢單嘢,至今小弟真係「歷史性」,從未聽過任何人認為是應該的、支持的。
  
昨晚大批老友飯聚,自由自在噴口水,當中有退休高官、大律師、醫生、傳媒高層、政治、人物、商界CEO……講講吓,突然有位老哥大聲嗌:「各位,今日我哋嚟個迷你民意調查好唔好?(冇人反對)就係究竟林鄭「霸」(其實政府安排又或佢自己要求啫)咁大間甲級商業單位,需要花上月租三十八萬元!若由我哋十二位江湖打滾N年者衡工量值,大家會點睇呢?我提議,齊齊舉手表個態,好嗎?(眾回應:好!)。嗱,就咁,贊成林鄭卸任後需要三千方呎咁大豪華辦公室,請舉手!」
  
結果,一隻都冇,彈弓手都唔見。
  
「咁,反對政府花每年千幾萬元租呢個超級單位畀卸任特首辦公者,請舉手!」
  
十二隻手,一齊高高舉起。呢個迷你民意調查,結果非常鮮明,亦相信極有代表性。
  
事實,林鄭之前三任特首,辦公室設在堅尼地道二十八號,物業總面積加加埋埋先係五百三十五平方米,等於每人不足一百八十平方米。
  
林鄭呢?一個人已佔用二百七十平方米,比對之下,實在太離譜!
  
政務司司長陳國基當然要解畫,但理由牽強,根本冇人信服。
  
不過,既已簽三年約,算嘞,約滿就千祈咪續喇,否則,日日畀人鋤就無謂啦

點擊以下6大平台 接收加拿大新聞及生活資訊
加拿大星島WhatsApp報料熱線:(437)428-9394

下載「星島新聞(加拿大版)」App,隨時看到最新最快新聞:
iPhone:https://apple.co/2IBi812
Android:https://bit.ly/2Pe8anu

訂閱加拿大星島網電郵快訊,每天可收到最快新聞資訊電郵: https://www.singtao.ca/subscribe/singtao.php

>>>訂閱CCUE YouTube 頻道,查看更多吃喝玩樂、生活資訊影片。
share to wechat

延伸閱讀

share to wechat

延伸閱讀

【高清專欄】同音字鬧笑話

【阿濃專欄】一件往事

【綠子專欄】來不及的道別之數件小事

【康子專欄】平和方正,一「鈴」奪魂

都市網新聞