最怕遇上勸人狂

行走江湖,遇上的人有好多種,其中兩種最得人驚,也甚討厭,包括:一、控制狂(Control Freak);二、勸人狂(Persuade Freak)。
  
前者多數是上司、老婆、老公、男友或女友,整天在想辦法操控你,等你飛唔過佢手指罅,將你一切自由思想、意志及行動「動態清零」。
  
後者更是乜人都有,包括你的親人、你的好友、你的點頭之交,以至三九唔識七者。佢哋動機簡單——我啱晒,你錯晒,應該跟我意見去做,一切都是為你好的,請聽我指示!
  
今日集中講第二類,小弟差不多年年月月日日都碰上,真係若果EQ低啲,也會窒返對方兩句:「第一,我做乜,關你叉事乎?第二,夏蟲不可語冰,你根本唔知我好快樂;第三,若果我叫你做人唔好咁戇居,勸你跟我一齊『沉淪』會點?子非魚,焉知魚之樂呀老友,唔好成日坐喺井底啦,世界好大,好多嘢能令你開心而不枉此生㗎!」
  
究竟班「勸人狂」最多勸我乜呢?包括:一、唔好投注賽馬(玩物喪志喎!);二、唔好飲酒(酒精傷身喎!);三、唔好歎咁多美食(塞血管喎!)。
  
冷靜觀察,班「勸人狂」冇乜邊個好似小弟咁,生活得又快樂又充實,因乜都擔心一餐,成日自己窒住自己。兼且非常「夏蟲」,完全唔知馬迷從賽馬中獲得無窮樂趣外,更行到邊都見到自己善心結晶——馬會捐獻。極有滿足感!
  
另外,真替唔識飲酒者無奈,佢哋根本冇機會欣賞到酒的藝術(當然適量而不過界!)。
  
剛剛睇到英國一則新聞,笑死。一對過百歲夫婦,七十五周年鑽婚,公開指自己咁長命,夫婦關係咁好,正因每日一齊喝酒!哈!
  
班「勸人狂」,係咪應該開始學下飲酒呢?
  
嗱,今晚小弟與幾十萬馬迷又「玩物喪志」,通過投注行善喇!
  
一於買黎昭昇再變魔術,「合夥芙蓉」、「星之寶」及「閃電俠」,每隻十蚊雞W!

點擊以下6大平台 接收加拿大新聞及生活資訊
加拿大星島WhatsApp報料熱線:(437)428-9394

下載「星島新聞(加拿大版)」App,隨時看到最新最快新聞:
iPhone:https://apple.co/2IBi812
Android:https://bit.ly/2Pe8anu

訂閱加拿大星島網電郵快訊,每天可收到最快新聞資訊電郵: https://www.singtao.ca/subscribe/singtao.php

>>>訂閱CCUE YouTube 頻道,查看更多吃喝玩樂、生活資訊影片。
share to wechat

都市網新聞