独家丨周家怡李靖筠激赞郑伊健工作态度及人品劲好 爆男神被狂迷整蛊实录

周家怡和李靖筠（Gladys）在电影《深宵闪避球》中首度合作，两人最开心可以跟男神郑伊健一齐拍戏，仲大赞对方工作态度及人品都相当好，更公开9个“疯狂粉丝”整蛊伊健的爆笑实录。采访：杜杜 摄影：罗安强 发型：Vincent Yeung(家怡)、Zivyeunghair@leonardo3haircorner(Gladys) 化妆：Herman Ng(家怡)、Angel Mok(Gladys) 服装：Ports International(家怡)、@sandroparis#sandroparis@purplepr(Gladys) 场地：PHENOMENON WINE·DINE (The ONE)

家怡跟Gladys首次合作相当愉快，仲想快啲有下次。

家怡和Gladys回忆拍摄过程，好多笑料分享。

家怡近年多演硬净角色，今次难得温柔她好担心观众不接受。

爱做健身的Gladys，原来特别努力练个翘臀，“胸大细系阿妈畀你，但pat pat系可以靠自己努力揾返。”

戏中家怡饰演单纯又热血的社工“杨姑”，做惯硬净角色的她都担心观众反应，“我成日做啲角色都好似好英明、好决断，同一时间处理好多事，好似好劲，突然间做一个好纯朴，选择自己想听咩嘅人，唔知观众会唔会觉得‘扮嘢㖞你！’，惊会有扮天真嘅感觉。”Gladys都笑指未认识家怡前，以为对方好cool，平日会戴黑超，“我以为佢好似（谢）霆锋咁嘛！唔出声，攞脚趾㩒钟𠮶啲，识咗后觉得佢真系好似‘杨姑’，系好好嘅聆听者。”

家怡演绎的“杨姑”，相信观众都好少见到她这一面。

“杨姑”这个角色，性格其实真系几可爱。

Gladys怕观众睇到破绽

Gladys饰演反叛少女“纪文”，都担心自己跟角色相差好远，演起来观众会睇到破绽，“我系好难嬲，同埋好怕冲突，睇剧本冇觉得咁嬲，所以有啲心虚，我系勉强谷出嚟，唔系完全发自心底，唔知观众感唔感觉到啦！”相比她觉得苦练闪避球反而更容易，“闪避球系付出同收获成正比，同埋𠮶个月密集式咁练，一星期练三日，我哋冇乜点倾偈同揸流摊，所以都OK。”

Gladys在观众心目中的硬朗同倔强，好多时都系扮出嚟。

Gladys话练闪避球虽然辛苦，但愈练愈觉好玩。

家怡曾于2005年跟伊健合作剧集《随时候命》，她大赞对方完全冇变，“佢性格真系好好，性格系赢晒，好真诚、humble，有𠮶句讲𠮶句，又好照顾对手同台前幕后。”Gladys笑指伊健要面对她们9个“疯狂fans”经常招架不住，“佢平时对住啲fans可以有助手挡一挡，但家冇计要日对夜对，对足一个月，我哋一见佢嗌‘刘Sir’同唱歌，令到佢好尴尬。”

家怡赞伊健多年来人品不变，跟他合作好享受。

Gladys这个“迷妹”，咁都要同伊健合照。

Gladys爆伊健面对9个“疯狂fans”，完全招架不住。

《深宵闪避球》

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。