Juicy叮│的士司機30萬投資蝕剩幾萬 慨嘆老婆唔知自己輸咗成副身家

股票市場有升就有跌,投資前請三思。近日,人氣YouTuber熊仔頭上載了一段短片,片中他乘坐的士時遇上一名投資失利的的士司機,2人之間的對答引起無數香港人的共鳴,堪稱「香港股民血淚史」。片中司機聽從朋友意見,將30萬元身家瞓身入市,不料該股不斷跌價,司機卻不服輸,不斷補倉,最終由30萬跌剩幾萬。該名司機完全不敢告訴自己妻子,直言「好似從來都未嬴過呀」。司機的投資血淚史引起股民的共鳴。

點撃圖輯察看的士司機訴苦詳情:

的士司機指近日聽從朋友意見,投資近30萬元。示意圖片

朋友更建議購買銀行股,結果股價不斷下跌。示意圖片

司機直言不知如何向妻子坦白投資失利。示意圖片

部分網民指影片道出股民心聲。資料圖片

網民稱「貪字得個貧」,投資和賭博是兩回事,的士司機的經歷極具教育意義。示意圖片

熊仔頭在星期一(3日)在 Youtube 頻道 FHProductionHK 上載以「【熊館番外篇】輸到爆粗的士司機血淚史:『老婆唔知輸咗成副身家!』」為題的影片,片中司機一邊駕駛一邊和他聊起投資的事宜,大嘆「一言難盡」,稱自己在股市上投資了30萬,現時只剩數萬元,他聽從朋友意見,花10餘萬購入股票,朋友指該股票在疫情之下升得最犀利,建議司機在260元時再購入,不料它從200多元跌至190元,身家頓時化為灰燼,司機更捱批被指「搭沉船」,司機無奈直言「你話係咪賭仔姓賴」。

然而司機卻沒有收手,又聽從朋友意見,購入銀行股,但同樣令司機損手爛腳。司機購入該股後不斷下跌,「買幾多錢都死硬,最慘個隻4個幾跌到3個幾」,朋友卻稱「唔會再跌」,耳朵軟的司機更聽從朋友意見,不斷補倉,結果低處未算低。

司機訴苦稱「我就嚟跌到渣都冇」,指「跌到個人驚」,坦言由30多萬元本金蝕至只餘數萬元,「冇啦冇啦,我啲積蓄俾晒佢啦」。最令人震驚的是,司機表示不敢讓妻子知道他投資失利的事,他稱妻子知道他有投資的習慣,但並不知道他驚人的「蝕錢」能力。司機表示事情即將敗露,妻子近日問他「點解你呢排好似有啲心事咁」,他表面上用藉口推諉過去,但內心卻無比痛心「大佬!緊係有心事啦,個幾廿萬點樣攞返嚟呀」,直言一旦家中有急事需要錢,也不知如何是好。

熊仔頭勤世稱「10個香港人9個買股票未嬴過」,而司機則說出賭徒心理「諗住轉一轉手賺幾千蚊啦!仲有得跌」,怒斥香港股市是吸血鬼。最後唏噓地說自己其實並非全職的士司機,但因投資失利,只能駕駛的士賺外快。

影片引起網民熱議,有網民稱影片百分百道出股民心聲,「聽者傷心,聞者流淚,唔投資慢慢死,想賺少少死得仲快」、「呢條片真係高質,真係感同身受」、「好正又好貼地,呢排真係買咩輸咩」;亦有網民稱「貪字得個貧」,投資和賭博是兩回事,而該名的士司機極具教育意義,「唔係股民,係賭民。溫書做功課、做研究後、買賣叫投資,聽人口噏噏當秘笈叫賭徒,乜都冇做就去抄嘅係慣性賭錢。」、「其實個個香港人都係咁,好彩遇到人同佢傾,俾佢抒發吓」。

資料來源:FHProductionHK

 

點擊以下6大平台 接收加拿大新聞及生活資訊
加拿大星島WhatsApp報料熱線:(437)428-9394

下載「星島新聞(加拿大版)」App,隨時看到最新最快新聞:
iPhone:https://apple.co/2IBi812
Android:https://bit.ly/2Pe8anu

訂閱加拿大星島網電郵快訊,每天可收到最快新聞資訊電郵: https://www.singtao.ca/subscribe/singtao.php

>>>訂閱CCUE YouTube 頻道,查看更多吃喝玩樂、生活資訊影片。
share to wechat

延伸閱讀

share to wechat

延伸閱讀

又中又英|To bite the hand that feeds you

政府研強制的士裝攝錄系統 業界代表支持:防止有「劣客」胡亂投訴

復活節│「藝術三月」各式藝術展 5米高發光蛋、圓明園珍貴文物 一文睇清消閒、藝術、打卡好去處

海關3口岸引進智慧車底機械人 打擊收藏違禁品走私 每部$46萬配備人工智能

都市網新聞