Juicy叮｜職場遇欺凌遭新經理掟杯 餐廳侍應：有時收工一個人喺條街喊

有在餐廳任職侍應的打工仔近日發文，指無故被新經理針對及欺凌，對方更曾向她掟杯，又因為一個原因而要求其他同事減少與她接觸，令她感到不開心，「有時收工一個人喺條街度喊」。

該名打工仔早前向於facebook專頁「奴工處」投稿，提到自己任職餐廳侍應已有數年，一直工作得開心，直到早前有新經理入職。她指，自問工作時有禮貌，工作亦做足，但不知為何對方看她不順眼，「啲下欄嘢畀晒我做，甚至叫我幫洗碗姐姐洗碗，又要搬貨。」她指，不介意工作量增加，「但係點解每次都係我一個人做？」，又指對方與她說話時語氣甚差，即使自己下班時與對方說再見，對方亦不予理會。她續指，「有次佢過份到直接掟隻杯俾我，結果跌咗落地打爛咗，之後仲用粗口鬧我，話我又整爛嘢要我自己清潔返。」

她續指，原本與同事關係不差，但發現同事最近對她冷淡了很多，隨後有同事偷偷講地告訴她，「話經理叫佢哋唔好同我講嘢，話因為我樣衰，啲食客見到我都冇胃口搞到鋪頭條數好差」。她直言，對此感到不開心，亦沒想過同事會聽從新經理的指示杯葛她，並直言「有時收工一個人喺條街度喊……都唔知自己做錯乜」。

不少網民紛紛留言安慰，並支持她辭職，「絕對唔關你事，比信心自己，去搵過份工」、「辭職，冇必要因為份工令自己咁唔開心，東家唔打，打西家」、「轉工啦～ 大把地方請侍應！」、「轉工。人生會更好」、「支持轉工！唔值得為咗呢啲人搞到唔開心」等。另有網民則建議「轉工，再上總部投訴」、「由佢掟杯果下已經可以玩到佢死，鬧人我覺得OK，我接受到，掟野落人到真係唔得，你識玩，有排你CLAIM(索償)佢，到時公司同你慢慢傾，睇下邊個死」、「轉工，跟手報警，佢掟杯嗰下係蓄意傷人，一於同佢玩大佢等佢永無寧日」等。

帖文來源：「奴工處」

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。