向海嵐自爆曾拒演《無頭東宮》奸妃 參選後因《楊貴妃》改變命運

現年47歲的向海嵐在1998年參加港姐，當時她不單獲得冠軍，還奪得「環球美態大獎」、「最上鏡小姐」和「動感都會大使」殊榮，其後她加入TVB拍劇，其中與陳妙瑛合作的《無頭東宮》更加成為經典，但原來當初她一度拒演《無頭東宮》奸妃凌雲一角。

向海嵐

四料港姐

原來當日拍《無頭東宮》係有段古。

做奸妃

因為《楊貴妃》改變了命運。

古裝扮相可人。

個樣好奸險！

同陳妙瑛合作愉快。

《鳳舞香羅》

KEEP得好好！

向海嵐因為同學翁嘉穗而回流選美。

同古仔合作過！

《金裝四大才子》

 

參與唔少內地演出。

同慧妍雅集其他成員一直有聯絡。

媽咪支持女兒選美。

一直好熱心慈善工作。

細細個都好靚！

好鍾意唱歌。

向海嵐近日她在港台節目上，分享當年拍攝《無頭東宮》，一度拒演奸妃角色的來龍去脈：「其實我好掙扎，『吓！我唔識做㗎喎！』因為嗰陣時都只係頭兩、三套劇，我問可唔可以調轉，我做好人嗰個。佢哋（劇組）說服咗我好耐，話做奸會更加突出。我拍得好開心，同陳妙瑛一齊拍，因為我哋角色換咗臉，所以希望對方嘅小動作都有連貫性，戲裏戲外都溝通得好好。」

曾經在2008年宣佈離開娛樂圈並到上海展開新生活的向海嵐，到2015年決定復出幕前，
向海嵐表示當時覺得事業去到樽頸位，不知前路如何走下去，毅然決定跳出娛樂圈，移居上海從事白領工作，「慧妍雅集幫我好多，我做咗兩屆會長，好多文書工作，傾贊助都係我哋自己做，所以令到我呢個轉變會好順利。我喺上海做房地產，要跟客，要跟唔同project。」她表示很快適應當地的生活，比以前變得開朗。

至於當年參選原因，向海嵐爆原來受同學影響：「同學翁嘉穗喺97年去咗選港姐。媽咪鼓勵我，叫我去試吓，可能佢覺得我太靜，出去見吓世面都好。」她又說：「我記得當選6個月左右，公司已經安排去拍《楊貴妃》，算係幫我決定咗之後嘅路，如果唔係應該返咗去做會計師。」

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。