獨家丨江嘉敏終於諗通接受同圈中人拍拖 學識揀留言嚟睇舒服晒

27歲江嘉敏最近在《黯夜守護者》演20歲妹「盧小寶」，她坦承演起來有難度，對於齊蔭髮型及有指短髮魅力大減而導致與舊愛分手，嘉敏認為為配合角色可以隨時變髮，若男友因髮型分手就算了吧！不過她未心急再拍拖，但承認專一等擇偶條件不變，唯一不會再對圈中人落閘。採訪：杜杜 攝影：譚志光 髮型及化妝：Namnam Lam @ Namnam makeup服裝：Breathing Store

嘉敏希望未來可以嘗試演專業人士，她笑指因唔聰明更想演聰明人。

嘉敏因劇接劇壓力爆煲，搞到最近皮膚毛囊發炎，訪問當日只好着得好密實。

該劇播出後，嘉敏收到好多網民意見，「『盧小寶真係好鬼乞人憎』，我收得最多就係呢一個message，跟住第二句就係『你真係做得好好』，我好開心網民send呢啲嘢畀我，即係佢哋有支持同細心睇，真心多謝。」曾跟網民罵戰的她，坦言現在已學懂消化，「唔會人哋講每隻字都會食晒落肚，家識得揀嚟睇，識得消化。」

嘉敏在《黯夜》中的齊蔭頭，外界普遍不太接受。

嘉敏最開心在《黯夜》演出獲讚，這場被打戲更獲公司化妝師讚感動到喊。

不為結婚年齡設限

對於齊蔭頭網民唔多like，嘉敏就解釋是製作組為幫她減齡而刻意安排，至於有指她拍拖4年的有米電競高層男友Anthony，也因她為劇集《新四十二章》（前名《四十二章經》）剪短髮而嫌棄她，甚至成為分手導火線，她就沒好氣話：「演員都想試唔同造型，起初知要剪到咁短，都同監製講唔好剪到咁短住，但睇完劇本同埋個角色性格，覺得真係幫到件事，咁咪剪囉！我覺得係值得。如果因為一把頭髮而分手，咁就算啦！哈哈！頭髮會生返出嚟㗎嘛！」

4月，嘉敏在ig發文宣佈跟拍拖4年的男友Anthony分手。

有指嘉敏跟Anthony分手導火線，就是她為劇集剪了一個男仔頭髮型。

不過嘉敏強調未心急脫單，反而一班朋友好似驚她嫁唔出，不停為她做紅娘。講到揀對象要求，她認為專一、孝順和愛她是最基本條件，反而經濟能力和外貌不太重要，唯一改變是她開始接受同圈中人談情，「我已經係圈內人，揀個圈外嘅朋友會多啲偈傾，以前細個係好抗拒，一定唔會揀圈中人做男朋友，但家冇專登諗一定要或者一定唔要圈中人。」對於結婚年齡，她亦不會設限，「以前細個係想18歲，細個覺得18歲好大個，家緣份到咪嚟囉！如果限咗30歲前結婚，或者你真正嘅緣份未到呢！」

單身後的嘉敏即大解放，早前在ig貼泳衣相被指派軍糧。

嘉敏承認最近發福不少，已積極健身和打羽毛球，望再多減4、5公斤。

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。