uber taxi司機疑重複收車資 圖呃婆婆100蚊遭孫女出po狂轟

坊間不時有評論指uber taxi司機良莠不齊，毀譽參半，近日有網民在fb 討論群組中道出自身經歷，引來不少網民回響。話說一名事主在周一（26日）帶婆婆睇醫生，召叫了uber taxi讓婆婆在秀茂坪曉麗苑出發到旺角與她會合，事主已經碌卡付款。豈料婆婆與外傭到達旺角後，司機竟向婆婆再多索100元現金，猶幸事主見婆婆遲遲未下車即醒目上前了解，uber taxi司機才「回水」兼「走夾唔唞」，事主被激到「生蝦咁跳」，爆粗狂罵司機「老人家錢都呃，因住收尾個（嗰）幾年呀！」

有網民出po狂轟無良uber taxi司機。

召uber taxi前一般都已付款。

網民出示該uber taxi司機的資料，包括已行駛過300轉的車程。

網民出示當日行程及收費證明。

事主在群組一開口便爆粗怒罵「揸uber taxi揸到你咁Ｘ街…」，然後訴說前因後果，「我帶阿婆去睇醫生，咁call uber比佢係曉麗出發，我係旺角等佢！已經通知左（咗）姐姐唔使比錢個司機！我企喺朗豪坊等佢落車，離遠見到佢架車開左（咗）門，但係好耐都未落車，我即刻衝過去睇下咩事！」

「姐姐同我講個司機叫佢比$100車錢！個司機話錶$91，叫我阿婆比$100佢！」事主即刻狂罵司機，話已經用卡付了車費。但司機竟然說不知道，被事主狂轟「第一日出黎（嚟）揸Uber 呀？我即刻同佢攞返$100！個Ｘ街仲要大大聲Ｘ返我轉頭，我叫佢咪Ｘ走呀！我要報警！」司機聽罷即刻關車門，「仲要差啲夾住我隻手！」事主不忿司機可恥行為，「老人家錢都呃！小Ｘ心啲揸車呀！因住收尾個幾年呀！」

有網友亦不屑司機行為，見事主鋪出該司機的行車轉數，指責司機擺明呃錢，「 做咗超過300轉都話唔知道收咗錢！」、收錢那裏有不知道丫（吖），收完錢再收，見到 老弱婦孺便欺負。」有網友就叫事主記得同Uber CS（服務熱線）投訴，可以即刻停止該司機接單。

有網友亦直指司機是「害群之馬」，唔死都冇用。有的士司機行家亦不值同行所為，「我係開的士嘅都好憤恨呃乘客嘅同行，做壞曬（晒）成個行業個名，瘀血一定要清除，支持你一定要系（喺）uber apps裏面舉報佢，打Uber熱線投訴佢，uber會停佢機，令佢Hk Taxi個apps都無得做，支持你！」

 

 

 

 

 

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。