張致恒曾被指一腳踏五船 老婆雯雯剖白3年婚姻感受：傷心失望開心

張致恒（Steven）與粉絲雯雯2019年7月突然宣佈與女粉絲雯雯，已誕下大仔，並在同年9月奉子成婚，當時張致恒被爆「一腳踏五船」，形象瞬間插水。今年是兩人結婚三周年，雖然兩人曾經一度鬧婚變，又曾涉感情糾紛，不過已為張致恒誕下三個囝囝的雯雯，近日在IG貼出十多年前，仍是粉絲時與張致恒的自拍相，言談間透露老公依然鍾意唱歌，想再踏上舞台表演。

雯雯貼出與老公Steven 10多年前的合照，原來她追星已經追了十多年。

Steven與雯雯育有三個囝囝，細仔今年初才出生。

雯雯出心出力湊仔。

雯雯與Steven亦養有兩隻狗狗。

Steven現在在IG經常以慈父形象出現。

Steven在2019年突然宣佈與粉絲雯雯育有一子，並將會結婚；不過他當時另有女友，又同時爆出他偷食，更有指他曾「一腳踏五船」。

Stevne與雯雯在2019年9月簽紙結婚。

兩人結婚時，大仔已經出世。

雯雯貼出十多年前與張致恒的合照，留言剖白皮婚心情：「三年婚姻，有開心、有傷心、有失望，亦有想過放棄。但係見到一個大細路，為咗家庭願意作出改變，嘗試一啲從來未試過嘅生活。」雯雯指張致恒為了家庭，近年一直從事基層工作：「30幾度企喺廚房走來走去，甚至洗碗、洗廁所、做清潔、執貨、搬搬抬抬、搬運，一概都唔介意。每日放工返到屋企，依然繼續照顧小朋友、做家務，每晚氹個仔氹到5點瞓覺，第二日8點起身返工，都依然每日堅持繼續。雖然生活依然未能夠平穩，但係我相信只要一家人唔放棄，日子一定會過。」

雯雯透露張致恒依然喜歡唱歌，想重返舞台：「呢一年你喺香港返工放工，陪小朋友踩下單車玩吓，知道你依然好掛住唱歌，我相信總有一日，一定會再有機會表演畀屋企四個粉絲睇。」最後更向老公喊話說：「張致恒，只要你堅持唔放棄 冇人會放棄你。你唔需要人去睇好你，人哋要睇死你，你繼續堅持做好你自己就足夠。」繼續力撐老公。

張致恒與雯雯結婚三年，期間事非不斷；2021年3月，張致恒曾被模Naomi欠債不還，卻有錢搬大屋、請工人、養狗及買新電器。去年兩人大仔考幼稚園，Steven在IG大鬧遭幼稚園校長歧視，雯雯在網上列出18點反擊：「我個仔爸爸唔係殺人犯，佢只係犯咗10個有9個男人會犯嘅錯。」到今年1月雯雯在IG單方面宣佈離婚，後來Steven箍煲成功，相隔不夠一個月，雯雯就宣佈陀第三胎。

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。