獨家丨陳煒「上岸」做醫生太太風騷揀金器 準老公隨身帶私相簿分享密照

陳煒將於下周一(26)與醫生男友陳國強假半島酒店舉行婚禮,未來老公除咗穩重又事業有成外,最重要錫到煒哥燶,將煒哥放喺第一位,令呢位未來陳太好有安全感。之前《星島頭條》就直擊時裝設計師何國鉦(Dorian)陪煒哥揀選出嫁金飾,待嫁新娘煒哥拎住由何國鉦設計的動物環保袋,邊行邊傾偈,快將上岸做醫生太太,隔住半條街都Feel到準陳太有幾風騷快活!採訪:方騫平

何國鉦陪同手持動物環保袋配白色套裝嘅煒哥揀金器。

煒哥鍾情龍鳳鈪,指手劃腳表現得好有興趣。

第一段婚姻失敗,煒哥學識變做小鳥依人。

煒哥的性感唯美婚紗照,好有古典優雅氣質。

熟女仲添上女人味。

48歲的煒哥失婚10年才迎來第二春,就算只係搞一個簡單婚禮,都要搞得好好睇睇,除於五星級酒店內擺酒外,更搵嚟情如兄妹的時裝設計師好友何國鉦,為她一手包辦晚裝禮服、婚宴安排、現場攝影、場地佈置、回禮、化妝造型及鑽飾等,就算揀襯衫金器都要親力親為。

何國鉦為煒哥嫁衣釘上過千粒水晶珍珠,高貴奢華。

何國鉦跟煒哥情如同兄妹。

煒哥與Dorian討論場地佈置。

煒哥與Dorian討論結婚的服裝及首飾。

煒哥婚禮何國鉦擔當重要角色。

兩人係相識微時嘅幾十年朋友。

對龍鳳鈪最有研究

之前《星島頭條》就直擊Dorian陪同煒哥現身尖沙嘴一間金鋪揀選金飾,雖然當日煒哥以全白色套裝現身,但人逢喜事精神爽,待嫁新娘額角紅粉緋緋,氣色不錯。煒哥心情大靚,沿途跟Dorian雞啄唔斷。到埗後煒哥急不及待於金鋪地下行一轉,睇吓有乜心水之選,不過,好快被店員招待往樓上VIP區,兩人喺VIP區逗留半個小時,煒哥落樓後仍然唔捨得走,堅持喺樓下兜多兩個圈,對住鍾情的龍鳳鈪指手劃腳好有研究,Dorian就從旁提供專業意見,煒哥揀咗心頭好後滿心歡喜離去。

店員向兩人提供專業意見。

煒哥用心揀金器,何國鉦從旁提供意見。

煒哥離開前都要睇多兩眼,相當留戀。

陳醫生如熱戀男生

去年11月,煒哥的48歲生日,拍拖3年的陳醫生用3卡鑽戒成功求婚。據知,陳醫生視煒哥係女神,生命中最重要的人,據兩人的密友爆料,指陳醫生連隨身攜帶的iPad都放滿跟煒哥的甜蜜合照及婚照,又不時跟身邊朋友開心share,行為如熱戀中的小男生。煒哥原打算今年4月中下嫁陳醫生,卻因丁父憂延後婚期,當時煒哥承受住雙重壓力有啲唔開心,但陳醫生一直陪伴,待她沉澱3個月後,再主動安排未完成的婚事,圓煒哥心事。難怪煒哥承諾與陳醫生婚後50年不變,後者聽到一定甜到係咁笑。

首任老公台灣商人顏志行因為生意而忽略煒哥,兩人婚姻只維持4年。

煒哥幸福滿瀉。

點擊以下6大平台 接收加拿大新聞及生活資訊
加拿大星島WhatsApp報料熱線:(437)428-9394

下載「星島新聞(加拿大版)」App,隨時看到最新最快新聞:
iPhone:https://apple.co/2IBi812
Android:https://bit.ly/2Pe8anu

訂閱加拿大星島網電郵快訊,每天可收到最快新聞資訊電郵: https://www.singtao.ca/subscribe/singtao.php

>>>訂閱CCUE YouTube 頻道,查看更多吃喝玩樂、生活資訊影片。
share to wechat

延伸閱讀

share to wechat

延伸閱讀

麥明詩新婚後首現身!面色蒼白挨實老公 盛勁為棄逾21萬求婚錶改戴情侶錶

關禮傑榮升「準外父」?大女關楓馨突晒中門大開婚照 8字親回圈中好友祝福

前TVB小生自爆已婚公開神秘老婆煮飯片 曾與同性十指緊扣唱K傳戀情

黎明詩逝世丨莫鎮賢指黎明詩食道癌惡化影響行動拒坐輪椅 揭患病仍出力照顧前夫

都市網新聞