獨家丨薛影儀普通襲擊罪下月7日高院上訴 亞視花六位數請大律師訴訟

《星島頭條》收到獨家消息,孭住兩單官司的「亞視一姐」薛影儀下月連環「找數」,103日就涉嫌無牌駕駛等4項罪名向警署報到,而107日再到高等法院,就今年322日於屯區法院被判罪成的普通襲擊及違反「口罩令」兩項控罪上訴。上周四,於審訊前夕,已為AMM接新工作的阿儀去咗大馬,自選性感黑紗三點式泳衣上陣,露出深坑乳溝展示一姐實力,見佢喪玩水上活動,睇嚟好想減壓。採訪:方騫平 攝影:譚志光 鳴謝:AMM(大馬)

阿儀過檔AMM後第一個job就為健身中心拍宣傳片段,但佢伏喺瑜伽球上唔識郁,教練都冇晒佢符。

形容身材都OK嘅阿儀對體形愈來愈有自信。

阿儀露出只應天上有的罕見笑容,心情睇嚟真係未受影響。

身在大馬嘅阿儀揀咗件黑紗泳衣,玩若隱若現再晒深坑乳溝及超重秤肥腩,「最索經理人」林寶玉都唔夠佢搶鏡。

同索爆經理人林寶玉爭妍鬥麗!

阿儀嘅深坑事業線展示出「實力」呀。

阿儀疑似露出「海膽」。

身在大馬嘅阿儀玩水減壓。

話時話,阿儀經理人林寶玉堅索。

被指係亞視「最後希望」的薛影儀在大馬擁有不錯的吸金能力,即使孭住兩單官司,由清盤的亞視子公司「亞洲電視數碼媒體」過檔到由林文龍揸Fit的靚品牌AMM,跳槽後除獲加薪50%,仲有機會進軍東南亞市場,近日阿儀已開始接AMM的工作。

阿儀出發往大馬前,在「最索經理人」林寶玉陪同下到銅鑼灣為一間私人健身中心拍攝,教練順道幫阿儀設計修身療程。工作人員先為阿儀量度體脂,得出體脂係21.3,較標準最高水平15.6高一截。面對阿儀「哦」、「唔」、「呀」、「唔知呢」、「都係唔講呢啲」等慣性回應生活作息、飲食及運動習慣問題時,激到教練秒速面黑!最後因應阿儀想減肉肉象腿要求,做咗幾個修緊下肢運動,包括舉啞鈴及玩瑜伽波等,但做咗一陣阿儀就嗌攰喇,都係收檔做訪問算了。

要出動埋「最索經理人」林寶玉幫拖。

討厭Fans狂講我愛你

對於開始接AMM的首個工作,更獲加薪50%,問到阿儀係咪好開心?強調唔等錢使的她平淡說:「都OK呀!」記者再問她:「咁而人工有幾多呀?」阿儀今時唔同往日,醒目仔上身回應:「秘密嘢啦!可能老闆加薪醒我呢。」阿儀唔抗拒過檔AMM後繼續做「亞視一姐」,表示冇所謂,做到就做,她反而最介意被大馬fans狂叫「我愛你」,嬲爆表示唔太高興:「呢啲人講埋啲廢話。」

呢個坐喺度唔使出力最好玩!

提到下月初要面對兩單官非,據知就普通襲擊及違反「口罩令」兩項控罪,亞視花咗6位數字聘請大律師為阿儀訴訟。阿儀表示:「唔擔心係嗰個人喺樓下跟住我」在旁的經理人林寶玉即打斷阿儀講話,「呢啲交晒畀律師處理,暫時畀空間及時間佢消化。」問到公司可有為終極判決做定兩手準備?林寶玉避重就輕說:「公司會作出適當安排,暫時以阿儀健康心理質素行先。如果佢覺得ok,原則上公司唔會放棄阿儀,完全係睇佢意願。」阿儀強調重審前夕壓力唔算大,問到點去放鬆自己時?她繼續耍記者:「唔講呢啲喇。」但經一事長一智,阿儀承諾會變乖,日後更加小心言行:「係呀,我就算去私人活動都會問准公司。」林寶玉透露跟阿儀取得良好溝通,阿儀承諾唔會再闖禍。見阿儀在大馬換上性感黑紗泳衣,於水上樂園玩得好開心,她更膽粗粗玩高空繩索、滑浪等,露出只應天上有的罕見笑容,心情睇嚟真係未受影響。

去年9月薛影儀涉冇戴口罩兼起腳踢街坊被捕。

事後經理人林寶玉陪阿儀見記者鞠躬致歉。

上周4阿儀再到大馬,甫抵當地機場已被空姐「集郵」。

【看星島*知天下】請立即下載「星島新聞(加拿大版)」App:
iPhone:https://apple.co/2IBi812
Android:https://bit.ly/2Pe8anu
share to wechat

延伸閱讀

share to wechat

延伸閱讀

錢慧儀離婚疑似小三Ksenia B即反擊?分享自拍床上片向鏡頭放電

陳煒結婚丨三錫醫生老公!愛的宣言感動全場 恩師一舉動成陳煒演藝路推手

盤點失婚港姐|「最醜港姐」懷孕時老公出軌曾自殘 林雅詩被趕出門

73歲王薇薇鮮紅泳衣襯長靴晒修長美腿 凍齡女王近照再暴瘦

都市網新聞