Jessica C不舍安志杰离家拍戏几个月 拍片扁晒嘴又揽又拖好生离死别

当年有“警钟胸”之称嘅Jessica C.（JC）已经系一对仔女嘅妈妈，万事以仔女为先，偶然先晒吓“陈年胸器”。身处美国嘅JC今日上载咗条片到IG，片中见到安志杰揽住老婆，而老婆一脸惨样挨实老公，想喊想喊咁，然后安志杰钖吓老婆，两人又拖实只手，段片仲有字幕，写住，ME:I  Love You， HIM:I Love You，MEI'm Gonna Miss You（加惨Emoji）。

 

睇吓JC个样，就嚟喊嘞。

见老婆咁惨锡啖呵返。

拖实手手。

临出门前锡吓爱犬。

仔女送上车，囝囝都好唔舍得。

JC话会睇住屋企咁梗系你睇啦。

安志杰都有转发老婆个惨惨PO。

 

究竟咩事咁惨呢，原来安志杰要去好远嘅地方拍戏，仲要去几个月，所以JC好不舍。上载PO后，老公有转发，又回应老婆:Brb( be right back )，JC见到又覆返佢，yes please. we'll be here waiting. I'll hold down the fort while you're away.（我哋会喺屋企等你，你唔喺度我会守住屋企㗎嘞），唔知以为安志杰要去当兵，其实而家通讯咁方便，随时都可以联络，摸唔到都可以视像见到，几个月好快过啫。
 

JC一向感性，之前老婆同佢搞生日会佢都好感动。

JC又喊嘞。

JC父亲月前离世，因为疫情飞机班次减少，搞到JC赶唔切见爸爸最后一面。

好可爱嘅一家人。

 

 

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。