馬明攬靚湯睇日落 網民估好事近

馬明從後攬實靚湯睇日落,照片雖然背光,但仍感受到極度浪漫。 馬明從後攬實靚湯睇日落,照片雖然背光,但仍感受到極度浪漫。

(星島日報報道)48歲的馬國明(馬明)於2020年6月公開認愛35歲的湯洛雯(靚湯),「湯馬戀」至今兩年一直甜度爆燈,網民多次向二人催婚,而屢傅婚訊的靚湯亦已被公認是「馬太」。昨日靚湯冷不防突擊社交網「派糖」,分享被男友馬明從後抱抱、齊睇日落的浪漫合照,閃爆洗版。

靚湯昨日突然在社交網上載拍拖睇日落的放閃照,並以心形表情符號示愛,相中她孖馬明一齊浪漫睇日落,更被男友從後抱抱,二人還合力做出「心心相印」手勢,照片雖然背光、拍得很暗,但甜蜜程度卻令網民齊嗌閃爆雙眼。

馬明的好兄弟黃嘉樂亦秒速留言讚二人Sweet,蔡思貝更留言:「唯一的愛,平靜的愛,熱烈的愛。」而有網民猜測馬明和靚湯是否準備宣布好消息,本報昨日聯絡馬明,他以短訊連貼五個爆笑表情符號回覆:「不如,你問佢(靚湯)啦……佢post嘅……」而靚湯則覺得是大家太敏感,並澄清:「唔係呀!唔好次次都聯想結婚啦。純粹好耐冇影相,post下相啫!」靚湯又透露這張靚相是由高海寧操刀拍攝,當日他們一班朋友出海玩,她續稱:「張相高Ling影㗎,難得捕捉到Magic hour,好靚先分享吓啫。」

遭冒認社交網呃錢

此外,靚湯也在社交網限時動態透露最近遭冒認開假社交網借錢,呼籲網民小心中招,她發文表示:「有朋友告訴我facebook上有冒充我的帳號周圍問人借錢,有必要澄清一下,我facebook冇個人帳戶,只有一個fans page,而且我所有social media帳戶都係有認證,所以大家要小心小心。」

 

點擊以下6大平台 接收加拿大新聞及生活資訊
加拿大星島WhatsApp報料熱線:(437)428-9394

下載「星島新聞(加拿大版)」App,隨時看到最新最快新聞:
iPhone:https://apple.co/2IBi812
Android:https://bit.ly/2Pe8anu

訂閱加拿大星島網電郵快訊,每天可收到最快新聞資訊電郵: https://www.singtao.ca/subscribe/singtao.php

>>>訂閱CCUE YouTube 頻道,查看更多吃喝玩樂、生活資訊影片。
share to wechat

都市網新聞