獨家丨湯洛雯馬國明sweet爆睇日落 「心心相印」靚相由高Ling操刀

48歲馬國明與35歲湯洛雯（靚湯）的「湯馬戀」在2020年6月公開認愛，大家都覺得2人好登對，不時催婚。靚湯今日突然在社交平台上載一張，與男友馬國明一齊睇日落的靚相，二人在剪影下做出「心心相印」手勢，靚湯更以一個心形emoji表達愛意，甜蜜度爆燈。馬國明的好兄弟黃嘉樂秒速留言讚「sweet」，蔡思貝更寫著：「唯一的愛，平靜的愛，熱烈的愛」。

 

呢張「心心相印」靚相，真係甜蜜度爆燈！

蔡思貝寫著：「唯一的愛，平靜的愛，熱烈的愛」。

 

「湯馬戀」拍拖2年多，經常被人催婚。

 

有網民猜測2人是否有喜事要宣佈，《星島頭條》聯絡馬國明，他以短訊回覆：「不如，你問佢（靚湯）啦……佢post嘅……?????」。而女主角靚湯亦覺得大家太敏感：「唔係呀！唔好次次都聯想結婚啦?。純粹好耐冇影相，post下相啫。」她透露與朋友出海玩，這張靚相是由高海寧操刀拍攝，她說：「張相高Ling影㗎，難得捕捉到Magic hour，好靚先分享吓啫。」

 

一班朋友遊船河。

高Ling都有份出海，「湯馬」張浪漫靚相，就係由佢操刀。

高Ling都有影日落相，唔知佢幾時有機會同另一半一齊影呢？

 

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。