口罩小姐2022丨55歲阿姨塞橙入胸擊鼓 阿女臨場被召跟媽咪組隊參賽

ViuTV另類選美節目《尾二一屆口罩小姐選舉》，昨晚（16日）繼續播出80位首輪晉級的參賽者，透過才藝表演爭入50強的環節，當中依然有不少「騎呢」表演出現鏡頭前，包括有位參賽者帶了一條巨型大蟒蛇，當場嚇壞評判，而她帶此寵物到後台探望ERROR的保錡，嚇到他立即彈開，十分搞笑。此外，郭嘉駿（193）又突然要求另一位參賽者食酒中的老鼠仔，怎料對方竟二話不說擰轉頭除下口罩，一啖吞了落肚，令在場人士目定口呆。

 

先有參賽者玩大蟒蛇，保錡戰戰兢兢去摸吓佢。

 

又有人表演空手道打爛木板。

 

真係快吞轟吞咗隻老鼠仔。

 

不過，193卻對55歲的76號參賽姨姨情有獨鍾，她坦言是想透過參加節目去鼓勵身患重病的家人，說畢身穿背心及短褲的她即把兩個橙塞入心口，隨即表演用胸打鼓的「胸鼓」絕技，繼而再用頭以及屁股擊鼓，最後還一邊扮除衫一邊大唱法文歌，而在後台的193欣賞姨姨表演時表示：「佢好黐線，佢仲黐線過我哋！」結果76號姨姨順利晉級並大讚她說：「我好尊敬你，依家甚至覺得你虛報年齡，你最多都係差唔多40歲。」

 

不過俾呢位55歲阿姨，用橙塞入胸表演擊鼓搶咗鏡。

 

睇相都好似聽到聲咁。

 

再用頭擊鼓。

 

仲用埋pat pat。

 

全場人都讚阿姨完全唔似55歲。

 

此外，節目尾聲時，再一位媽咪級的參加者上場，她更以一身古裝打扮表演，但原來她的女兒亦有到場及被叫上台，即場組成母女檔又唱又跳表演，結果成為首隊組合入圍，而193同時亦大讚其女兒質素相當不錯。

 

阿女臨急被叫上台跟媽咪一齊參加。

 

結果成為首對母女參賽者。

 

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。