溫碧霞養子大個仔往美國升學 一家三口峇里度假依依不捨

「美魔女」溫碧霞 (Irene) 早年在峇里島買下度假村後，每逢假期都會與老公Kenny去度假，不過自從領養養子Xavier後，從此峇里島度假便由甜蜜二人世界，變成幸福三人行。不過由於新冠疫情關係，Irene已有3年沒有去過峇里島，終於上月底Kenny特別安排一家三口去度假1個月，除慶祝Irene上月30號的生日外，亦為假期過後將赴美國讀書的Xavier踐行。對於Xavier離家去美國，Irene十分不捨：「我哋第1次帶Xavier嚟呢度玩嘅時候，佢仲係手抱BB，但依家已經高過我啦，去到爸爸嘅耳仔，相信佢讀完返嚟已經高過爸爸。」

話晒美魔女，梗係要影啲靚相派福利。

 

老公Kenny安排此行亦為補祝Irene上月生日。

 

Xaiver已經生得好高大。

由於Irene之後要回內地工作，因此未能親自送Xavier到美國開學，她希望年底可以向公司請假飛到當地探望他，她再依依不捨說：「喺疫情之前，我每次由大陸返香港，Xavier都會同老公送機接機，送機時總會攬住我錫錫；接機時見我出閘，就會好開心跑過嚟攬住我又錫。疫情呢3年雖然唔能夠送機接機，但Xavier突然間長大咗好多，已經相當懂事。」不過，Irene相信放手讓Xavier出外學習見識，將來必定脫胎換骨。

 

大家都好珍惜一家三口相處的時間。

 

Irene好唔捨得Xavier。

 

咁嚟緊暫時又變返二人世界。

 

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。