獨家丨Lucy媽澄清冇Delete個女IG 因唔夠秤被暫時取消:努力嘗試向IG攞返Account

李璨琛（Sam）同老婆梁志瑩（Sophia）的4歲囡囡李元元（Lucy）在網上人氣極高，其IG有逾38萬Followers，當然Lucy咁細個唔會識經營社交平台，好明顯由佢阿媽，即自稱李老母嘅李太操刀。

 

Lucy好多Fans㗎。

Lucy去年登上「2021香港社交媒體風雲榜」頭十名，網民鍾意全因Lucy媽營造Lucy成為「麻甩LU」，最鍾意將囡囡醜態放上網，又公然笑個女肥、冇頸，又試過將個女個頭Key落雞身，網民已多次批評Lucy媽用詞不當，甚至於討論區開帖文，「唔好咁樣話個囡」、「呢個世界真係乜人都有，咁樣笑自己親生女，仲要擺上網」、「開始覺得佢個女好慘」、「個女第時大個，實被同學笑到面都黃」但都唔夠最近嘅Po離譜。因為Lucy身穿白色紅心圖案裙仔加閃令令高跟鞋，坐在椅子食嘢，Lucy媽竟然笑個女係廟街流鶯：「喂呀你可唔可以着番好對鞋先再講呀，你咁樣係唔會有客㗎。」此PO一出已被連登仔出Po瘋狂圍剿，有指群情太胸湧，搞到Lucy媽急刪Lucy的IG帳號避一避。

就係呢個廟街流鶯Po。

喊到走樣。

低炒嚇人。

Lucy媽好鍾意Po個女嘅失控喊樣。

Lucy大個睇返唔知有咩反應。

借教個女功課笑李璨琛英文同數學差。

影個女肥腩。

Key個女個頭落雞身。

不過，一向好勝懶理網民投訴的Lucy媽已在個人IG澄清，「其實呢我本人就冇delete度lucy個account，係因為lucy is not old enough 喎?而比IG suspend咗個account。處理中處理中，大家稍安毋躁??❤️☺️ 」hashtag就話我哋大家一齊念力希望個account可以早日重見光明，「 #LUCY會繼續喺度見大家??」。

Lucy媽冇Delete IG呀，暗示冇放網民在眼內。

據知因為當初Lucy媽咪用咗Lucy個生日年份開IG，而家IG有新規例，未夠年齡唔可以開IG，所以就比IG 暫停咗帳戶。而Lucy媽就回覆「星島頭條」：「我哋會努力嘗試向IG攞返LuLu個Account㗎喇！詳情可以睇我IG。」

而一眾Lu粉就表示嚇死，以為從此冇得睇Lucy，睇完李老母留言即刻安樂晒，「睇唔到我lulu豬我心情低落左成日」、「好大件事呀！ 老母你要努力呀吓！幾十萬個老母都好不安㗎」，但亦有大量網友戥Lucy慘，「而家根本就係佢阿媽網絡欺凌自己個女」、「痴X線未見過有老母公然話自己個女係雞。」

 

嚇親Lu粉。

Lucy教徒。

第一個留言好正。

 

連登仔出Po鬧Lucy媽。 ​

對於Lucy媽取消IG，網民覺得係好事。

大家認唔認同?

我都未見過。

 

 

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。