独家丨苏丽珊唔排除有BB先结婚　梁雍婷想化身岑珈其劲沟女

苏丽珊（Cecilia）和梁雍婷（Rachel）近日在电影《缘路山旮旯》中合作，分别饰演对男主角岑珈其欲拒还迎的“A Lee”和拜金女“Mena”，两人都话同角色唔多似，不过大赞角色好玩，Rachel更搞笑谓想化身珈其沟晒全部女拍档。电影探讨香港土地问题，两人都承认确实有影响到感情生活，而被睇好最快结婚的Cecilia，讲明好想生BB，更唔排除到时先结婚。采访：杜杜 摄影：谭志光　发型：Sing Tam@ArtifyLab(Cecilia)、Oscar Ngan@ii ALCHEMY　hair(Rachel)　化妆：Rainbow@Annie G Chan Make Up Centre(Cecilia)、Deep Choi(Rachel) 　服饰：Whistles(Cecilia)、alice + olivia、De Beers(Rachel)

Rachel和Cecilia在《缘路山旮旯》中角色，两人都觉得好好玩。

 

Cecilia谓跟男友感情稳定，跟对方家人关系亦不错。

 

Rachel认为一段关系开心就好，不一定靠婚姻维系。

Cecilia和Rachel都觉得今次角色好好玩，Cecilia笑指平时不似角色会吊男人瘾，但因曾经住在上水，所以如果对对方没好感，也不会让对方送返屋企，“𠮶时真系住得太远，出亲嚟都要预一个钟以上，都唔好意思叫人哋送，一来一回都要两个几钟嘛！同埋畀得佢送返屋企，其实都系代表咗啲嘢啦！”

Cecilia戏中饰演对男主角岑珈其欲拒还迎的“A Lee”。

 

电影中，Rachel演巴辣拜金女“Mena”。

角色讲Rachel手车好辣，但现实她唔识得揸车。

反差大过戏瘾

Rachel话今次演同自己反差好大的角色，可以过足戏瘾，“我本身唔系咁物质主义，同埋角色手车好辣，我其实系唔识揸车，所以角色同自己有好多方面都唔同，咁样反而特别好玩，我仲专登睇朋友揸车去模仿，有啲位就唔到先至揾替身演。”原来连Cecilia都恨演Rachel的角色，“我哋几个女主角都讨论过，个个都最想演佢呢个角色，因为好好玩，又可以闹爆岑珈其㖞！”不过畀Rachel有得选择，她竟然会拣岑珈其演的“阿厚”，“可以追晒咁多个女仔㖞！?家冇所谓，唔一定要男仔先可以追女仔㗎嘛！”

戏中岑珈其跟5个女主角都有感情戏，当中包括Rachel。

 

对结婚和生BB都冇兴趣的Rachel，宁愿花心思照顾狗狗。

对婚姻没憧憬

谈到土地问题，Cecilia和Rachel都承认难免会影响感情生活，身边朋友好多更因住屋问题，搞到结婚计划被打乱。跟圈外男友拍拖多时的Rachel话，认为拍拖唔一定要结婚，但若然同居都会要求跟家人住得近，“我本身住香港仔，拍拖嘅时候住得远，真系冇乜所谓，但如果同居嘅时候，我都想住返近啲香港仔，因为有时想返屋企探屋企人，都唔使去咁远。”讲到戏中几位未婚女演员中，大家都睇好跟圈外男友不时放闪的Cecilia最早出嫁，她就笑言近期已少了放闪，但讲到结婚，她坦承可能成长在单亲家庭，对婚姻没有太多憧憬，反而好想生小朋友，“结婚真系完全冇计划，因为唔觉得一定要结婚，但我好钟意小朋友，不过暂时仲有好多嘢想做，如果我做得妈咪唔会想分心，所以短期内都唔会谂住，或者到想生BB先谂结婚囉！”

跟圈外男友Kenny感情稳定的Cecilia，笑言最近很少放闪。

 

Cecilia见到好姐妹汤怡B女咁得意，令她更加恨生BB。

 

 

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。