胡家惠02年奪港姐季軍唔係靠樣 重提被評「最醜樣港姐」一句化解

2002港姐季軍胡家惠（Cathy），今年是她選港姐20周年，最近「出山」為本屆港姐前奏節目《小城美誌》做嘉賓，與13號邢慧敏分享選美心得。

日前Cathy在Facebook撰文，感慨表示曾被批評「最醜樣港姐之一」，她直言過去20年的人生猶如坐過山車一般，可以拍一部40集的連續劇。當年只有19歲的Cathy奪得港姐季軍，她直言不是單靠外貌，寫道：「咁多年來一直有人話我係最醜樣嘅港姐之一。其實我從來冇話過自己靚，如果我靚，我應該贏冠軍。贏得季軍係因為19歲嘅我有智慧同口才，表現夠淡定。」

 

2002年港姐三甲，（左起）胡家惠、林敏俐 ·和左慧琪

胡家惠曾被批評「最醜港姐之一」。

 

胡家惠覺得批評人嘅人：「參選入到三甲先批評」！

 

今年係胡家惠選港姐20周年，生完兩個女，身材依然Keep得咁好。

 

仲有騷美腿。

 

Cathy曾代表香港到日本參加國際小姐，並贏得國際友誼小姐殊榮。

 

當年父母曾勸佢退選。

 

為「豬扒」、「醜樣」平反

對於多年來不少人評論港姐「又話豬扒又話醜樣」，Cathy反而覺得參選其實需要好大勇氣和堅持，而她當年因為綵排時間長，電視城離屋企又遠，體重由96磅急跌至89磅；在塞班島拍外景之前的一個活動，更暈倒入院，高燒至104度一星期仍未退，被父母要求退選。Cathy續寫道：「我懇求父母比（畀）我繼續選。畢竟有幾千人申請去到入圍已經唔容易。好想知道自己嘅能力去到邊。最後順利進入決賽，決賽當日綵排抽到我攞季軍。」

Cathy曾代表香港到日本參加國際小姐，並贏得國際友誼小姐殊榮。她直率地說：「都係嗰句，評論人哋嘅自己參選入到三甲先批評人，如果係男人嘅下世投胎入到三甲再批評。人生有幾多個20周年值得回顧。」

現年39歲的胡家惠，卸任港姐後與TVB簽了18個月合約，約滿便離巢。2011年拍拖多年的室內設計師邱仲平（Allen）結婚，並育有兩女。但老公公司上市後，Cathy發現對方出軌，在陀細女時不幸患上躁鬱症，並決意離婚。Cathy母兼父職，並創立湯包生意，2019年更遇上第二春Manfred Lau，今年6月再婚，生活美滿幸福。

 

2019年更遇上第二春Manfred Lau，今年6月再婚。

 

兩個女兒都好可愛，同Cathy媽媽三代同堂。

 

Cathy在《小城美誌》節目上，跟13號邢慧敏分享選美心得。

 

現在Cathy家庭事業兩得意。

 

星島新聞集團慶回歸25周年專題網站，請即瀏覽

加拿大星島WhatsApp報料熱線：(437)428-9394

下載「星島新聞(加拿大版)」App，隨時看到最新最快新聞：
iPhone：https://apple.co/2IBi812
Android：https://bit.ly/2Pe8anu

訂閱加拿大星島網電郵快訊，每天可收到最快新聞資訊電郵： https://www.singtao.ca/subscribe/singtao.php

>>>訂閱CCUE YouTube 頻道，查看更多吃喝玩樂、生活資訊影片。