独家丨廖子妤挨足十年曾疑惑:我系咪垃圾 首夺女配角望家乡买屋送父母

32岁廖子妤(Fish)凭电影《梅艳芳》中“梅爱芳”一角,首夺“金像奖最佳女配角”,由家乡马来西亚来港发展10年,一心追梦做演员的Fish,试过三年冇戏开靠做模特儿撑住,用25蚊挨足3日,曾怀疑自己唔啱做演员“我系咪垃圾、废柴!?”但Fish 冇放弃,因她只识演戏,夺奖令她肯定自己冇拣错演员路,未来她希望一尝主角滋味,更想在家乡买屋,令父母安享晚年。采访:杜杜 摄影:朱伟彦 发型:Zap Tang @ Toni & Guy 化妆:Melody Chiu 服装:sportmax_hk@sportmax

Fish冇电影开的日子,幸吹韩风啱晒她外形,仍有模特儿工作顶住。

Fish夺奖时相当激动,通宵庆祝后,瞓醒已是下午5点,静心回想,最期待奖项能带给她更多机会,“尝试吓做主角,比较长啲嘅角色,唔系净系几场戏出一出,想有唔同方面嘅角色可以做到,譬如靓女囉!或者女性化啲角色、搞笑,我个人都几搞笑。”

Fish在电影《梅艳芳》中,饰演梅艳芳胞姐梅爱芳。

 

第二度获提名金像奖最佳女配角的Fish,终凭《梅艳芳》夺奖。

凭《梅艳芳》衣锦还乡

Fish在金像奖两个提名《梅艳芳》和《智齿》拣至爱,她坦言两套电影都畀足心力演出拣唔到,但她承认对《梅艳芳》会多份感情,因电影把她带返家乡,“马来西亚冇人识我,因为我拍好多戏返唔到去,𠮶边上大片多,我拍开都系敏感题材或者小本制作。”上年12月,衣锦还乡的她做访问也特别紧张,“近乡情怯,返到屋企唔想衰,喺香港早几年再惨,都唔会够胆po出嚟话冇钱,唔想衰畀家乡嘅人睇,点衰都喺香港挨咗佢。”

今届金像奖,Fish还凭电影《智齿》提名最佳女配角。

 

Fish衣锦还乡做访问,她承认心情特别紧张。

难挨日子,要由2012Fish来港发展讲起,一年后有机会拍首部电影,由泰迪罗宾监制的《末日派对》,更有机会提名“金像奖最佳新演员”,可惜往后3年一直冇戏开,只靠模特儿工作支持生活,试过穷到一日食一餐,“廿蚊定廿五蚊挨咗3日,啲人完全唔信,大佬10年前㖞!买公仔面有5包㗎嘛!屋企仲有啲米,又有啲蛋,就系靠呢几样嘢挨过咗。”其实当时公司每周会预支400元生活费给她,之后在人工扣,只因撞正假期她未能返公司攞支票,搞到要挨饿。

在Fish的社交网,不难发现她好多时简单食个面当一餐。

 

Fish来港翌年拍电影《末日派对》,更有机会提名“金像奖最佳新演员”。

被传媒冷待最难挨

经济压力并非最难挨,反而是演出机会不多,知名度低被传媒冷待,才令Fish最难受,“我拍咗一、两部戏,但系又唔系好有机会!去到公开场合影相,都会畀人叫你‘快啲走’,𠮶种感觉都几难挨,其实我唔介意唔影相,但公司想我影,记者又唔想影我,咪快啲影完走囉!做得唔好时又会谂,我系咪一个垃圾!一个废柴!”

3年冇戏拍,Fish终接拍要性感演出的电影《同班同学》。

 

2017年,Fish凭电影《骨妹》,首度提名金像奖最佳女配角。

Fish也想过放弃梦想,“但我冇第二样嘢识,放弃咗唔知做咩好,哈哈!做呢行好辛苦,做第二行又会唔辛苦咩?每次好辛苦好难挨时,会谂吓父母,谂吓喺呢个城巿比我更辛苦嘅人,依然好努力,咪挨吓囉!”Fish承认父母是精神支柱,所以领奖时喊着感谢双亲,但为了不想令身在家乡的妈妈和在印尼打工的爸爸担心,她惯了报喜不报忧,“有时都会喺IGFB讲吓,都想有人知,有人呵吓,但又唔想阿妈担心。”

Fish跟妈咪感情要好,疫情前每有电影上映,妈咪都来港支持。

Fish坦承以往唔识感恩有对好父母,总觉得别人比自己幸福,“多谢父母提供咗一个自由环境畀我,冇限制我读书好叻,做边个行业,攞几多钱返屋企,屋企唔系好富有,但唔使等我份钱开饭,要我做啲唔喜欢嘅嘢养家,以前唔觉得系乜嘢,原来我已经拥有好好嘅条件去追梦,父母令我冇后顾之忧,就算出面失败或者跌得好痛好伤,我知道有个地方可以返去。”未来她最想好好回馈父母,“我希望将来可以喺马来西亚买到屋,爸爸唔使喺印尼做嘢,一家人一齐,有钱畀爸爸妈妈做啲开心事,譬如去旅行,开间小店经营,尽返做女嘅责任陪多啲佢哋。”

Fish爸爸一直在印尼工作,所以她很珍惜跟对方相聚时间。

 

Fish未来最想一尝做主角滋味,试试女性角色。

 

星岛新闻集团庆回归25周年专题网站,请即浏览

 

点击以下6大平台 接收加拿大新闻及生活资讯
加拿大星岛WhatsApp报料热线:(437)428-9394

下载“星岛新闻(加拿大版)”App,随时看到最新最快新闻:
iPhone:https://apple.co/2IBi812
Android:https://bit.ly/2Pe8anu

订阅加拿大星岛网电邮快讯,每天可收到最快新闻资讯电邮: https://www.singtao.ca/subscribe/singtao.php

>>>订阅CCUE YouTube 频道,查看更多吃喝玩乐、生活资讯影片。
share to wechat

延伸阅读

share to wechat

延伸阅读

黄美棋结婚丨被《东张》主持抢先披露婚期 亲回公司派喜帖心情靓爆

黎明诗逝世丨去年7月与文佩玲刘彩玉聚会!短短一个月现消瘦样 何婉盈:众人开心果

蔡卓妍返母校玫瑰岗最后开放日 拎巨型计数机抢Fo 张景淳拍片爆童年曳事

胡慧冲扮幪面超人拍《最紧要好玩》MV向阿Sam致敬 驾旋风号招摇过市找数丨独家

都市网新闻