白色強人II丨張曦雯街頭拍喊戲難忘情緒掌握 視郭晉安如老師讚有安全感

TVB新劇《白色強人II》昨晚（12日）播出的第15集，焦點落在張曦雯飾演的阿Yan、得悉唐詩詠飾演的蘇怡出事後，在上海街頭不知所措地狂奔，又企圖趕返香港見蘇怡，到崩潰到爆喊一幕，最令網民動容。尤其阿Yan流淚向郭晉安飾演的YT喊道：「蘇怡唔可以冇咗個BB，佢之前流過產，我要即刻返去睇佢呀！」返港後第一時間衝到醫院，見到蘇怡時的深情擁抱，充分展現出二人的閨密情。

 

張曦雯話因為要趕在外灘熄燈前與郭晉安拍完這場戲，令她好難忘。

張曦雯的情緒話嚟就嚟。

張曦雯好入戲。

 

劇集開播後好評不斷的張曦雯，受訪時坦言該幕街頭喊戲最難忘：「這場戲情緒同拍攝場口都好難忘，當日行程好趕，我們要趕住在外灘熄燈之前拍好這場戲，當時依然有好多途人，所以喺咁趕又有咁多人圍觀的情況下，要投入去拍一場咁重情緒的戲，對我嚟講真係好難忘。」她指與詩詠自合作《白色》第一季後已成為好友，故令她更易入戲。至於和安仔成為劇中最受歡迎CP，她開心說：「安仔有少少似我老師，我對佢好信任，同佢做戲會好有安全感，變相出嚟效果就自然啲。」

 

張曦雯在劇中從上海趕返港，就為探唐詩詠。

唐詩詠在劇中好慘，張曦雯見到對方即爆喊。

二人充分展現閨密情。

因為拍《白色強人》令二人成為好友。

 

星島新聞集團慶回歸25周年專題網站，請即瀏覽

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。