古天后日誌|港股表現垃圾 連A股亦跑唔贏 

8月12日,多雲,有驟雨及幾陣狂風雷暴,兩勢有時頗大。美股隔晚高開後有回吐,三大指數個別發展,道指升27點;標指跟納指分別跌2點及74點。雖然通脹數據顯示通脹有機會見頂回落,但再有聯儲銀行行長表示,目前美國仍難言戰勝通脹,距離2%通脹目標仍甚遠,尤其核心通脹仍然高企,服務業價格升幅未見放緩,9月份再度加息0.75厘機會仍在。

瑞銀財富管理亦提醒,距離下月聯儲局議息仍有一段時間,投資者唔應該對目前數據反應過敏,妄想聯儲局會暫停加息。下次會議至少加息0.5厘,而喺年底前利率仍然上調。喺宏觀經濟環境及貨幣政策方向模糊下,暫時投資者仍未宜進取。

對於有講法指美股已脫熊入牛,古天后對此有所保留,暫時聯儲局喺縮表收水方面,未見太積極,但通脹若遲遲未見顯著回落,聯儲局2%嘅通脹目標要達到,遲早都要加大收水力度,當市場資金唔再充裕,市場回歸理性,美股仍有機會再向下震盪。

至於中港股市噚日反彈,相對A股成交相對港股較為見得人,噚日A股成交額仍錄得萬億元之上,外資錄得161億元淨資金入,至少都叫肯買下貨。相反港股成交額只有821億元,即使噚日反彈幾百點,重返2萬大關之上,亦未見有資金積極流入。就連一向任性嘅北水,亦小心翼翼,近日淨買入一直縮水。港股表現當然遠遠不及美股,就連A股步伐亦趕唔上,望一望個創科指,唔覺唔覺已較4月低位反彈近三成,但港股一直喺二萬水平穿梭,日升日跌,大戶短線好淡通殺。唔少缸邊友意志已被消磨,更指入市港股係自尋短見,已唔再願意入場。港股成交額日漸萎縮,缸邊友已厭倦追升殺跌嘅日子,更對表現如垃圾嘅港股採放棄態度,轉身離去,頭也不回。

古天后

(徐狄怡,證監會持牌人)
 

訂閱星島網singtao.ca電郵快訊,每天可收到最快新聞資訊: https://cloud.marketing.ccue.ca/singtao_subscribe

【看星島*知天下】請立即下載「星島新聞(加拿大版)」App:
iPhone:https://apple.co/2IBi812
Android:https://bit.ly/2Pe8anu
share to wechat

延伸閱讀

share to wechat

延伸閱讀

電動車數據|理想11月交付1.5萬輛創新高●吉利極氪交付1.1萬輛

港股市況|恒指上升 科網股向好 阿里巴巴升逾6% (持續更新)

騰訊安踏躋身全球最具透明度ESG報告企業前十

友聯租賃折讓近兩成配股 集資6.7億元

都市網新聞