獨家丨余慕蓮出自傳:最好瞓瞓吓走冇痛苦 大病後咳到哮喘已安排捐身家

前年11月,85歲余慕蓮(余毛)患上罕有嘅血液炎傷害到個肺,導致肺纖維化一度危殆入住ICU,雖然執返條命仔,但身體跌晒Watt,日日咳到甩肺。《頭條娛樂》記者目擊余毛姐喘晒氣狂咳3分鐘,甚至咳到眼淚鼻涕齊流,真係好陰公。她面紅紅兼喘晒氣說:「最好瞓瞓吓死咗,冇痛苦。」?家余毛姐做人宗旨係過一日賺一日,活在當下!採訪:方騫平

余毛性格樂觀,已安排好自己身後事。

真係咳得好辛苦。

余毛接受訪問前勁咳3分鐘,咳到標晒眼水及鼻涕,面都紅埋。

余慕蓮推出自傳《我是一條豆角》,不扣除成本,收益全數撥捐兒童癌病基金,余毛善心得到一呼百應,初版2000本全被內部認購,再版2000本都幾乎被朋友掃清,要印第3版才能推出市面公開發售。
 

余慕蓮最近推出自傳《我是一條豆角》,反應熱烈。

最自豪做Model行天橋

早於2008年余毛拍第3輯《向世界出發》時經已有人打她主意出自傳,但她不為所動,直至近期因為執屋,掉走一啲舊相,朋友見到提議她出自傳:「?家唔掉(舊相),第日死咗人地咪一樣係掉,咁朋友話出咪出囉,反正係做善事,我後生都幾靚㗎!」

2008年余毛拍第3輯《向世界出發》時經已有人打她主意出自傳。

余慕蓮陳年泳照喺自傳中曝光。

小時候嘅余慕蓮面尖尖,雙眼好精靈。

少女時靚相。

係索女嚟喎。

余毛因父母離婚,所以她唔打算結婚,早於40多年前影婚紗照留念。

自傳中滿載朋友溫情,除米雪、林建明等關愛外;仲有提及陪李香琴出埠登台,汪明荃忽發奇想建議她一齊上台玩,還提供埋啱身嘅二手戰衣,兼有專人化妝,讓余毛姐可以靚靚登場:「我好鍾意登台,舊公司成日醜化我,我唔鍾意,做到無晒癮,70歲就退休。」自傳中當然唔少得講到「大恩人」鄧達智大膽用她做Model,喺大會堂行Catwalk,余毛姐諗返起都好自豪:「我又唔怕嘅,當自己做緊《EYT》,喺台上開心揮手,結果贏得好多掌聲。」

沙姐、羅蘭及戚美珍多年嚟都好照顧余毛。

鄧達智邀請余毛做時裝show壓軸嘉賓。

15年前余毛為鄧達智嘅《九龍皇帝十年回顧》做時裝Show模特兒。

大姐明經常探訪。

張衛健匯八萬標靶藥費

重提當日昏迷送院,病情危重,住院半年幸能大步檻過。余毛毫不忌諱說:「醫生形容我同魯芬病情一樣係九死一生,?家定期用標靶藥嚟控制住病情…」天生樂觀嘅余毛姐自爆經已安排好身後事:「我寫晒平安紙,會捐出?家住緊,一廳兩房嘅旺角舊樓(30年前用幾十萬買落,市值大概600萬),仲會撒灰喺紀念花園。

余毛留院半年,去年4月終於出院。

醫生形容她同魯芬病情一樣係九死一生。

 

余毛姐堅持唔驚死:「日日都死咁多人驚乜?琴姐、炳哥、我隔籬屋鄰居…最重要好死,唔好有事又車返去醫院,住院嗰半年唔生唔死,食唔到講唔到嘢,如果要瞓牀,多10年命都死得喇!?家做一日賺一日,有牌打有戲睇就去。」余毛姐又話活到今時今日人生冇遺憾,唯一喺4年前畀「朋友」所害,以為上廣州身體檢查,原來被騙去打「回春針」拍廣告,唔排除係因為咁演變成大病:「唔係被害我可以平平安安咁,玩多幾年安享晚年,?家唔知玩得幾多個月,不過都賺咗好多友情,朋友個個都對我好好,張衛健擔心我冇能力負擔昂貴嘅標靶藥費,身在北京匯錢畀我,我問銀行職員係咪8000(蚊)?佢話我睇少咗個零呀,我哋唔係合作好多,但真心好感動。」

張衛健驚余毛冇錢醫病,喺北京匯咗八萬蚊做標靶樂費。

大病一場後,余毛身體跌Watt,?家行得唔好,體重不足90磅。

茶客上前為余毛打氣,祝福她身體健康。

星島新聞集團慶回歸25周年專題網站,請即瀏覽

【看星島*知天下】請立即下載「星島新聞(加拿大版)」App:
iPhone:https://apple.co/2IBi812
Android:https://bit.ly/2Pe8anu
2022安省市選
share to wechat

延伸閱讀

share to wechat

延伸閱讀

蔡一鳳帶仔女加兩工人豪遊泰國 住奢華別墅有私人大泳池包靚車出遊

廖碧兒米雪原來係好友結緣18年 多年不見重聚攬住影相:到哪都有她支持

薛凱琪又變樣?勁深鼻影加特濃眼妝 五官再變立體網民話認唔到

都市網新聞