獨家丨岑珈其揼6位數首做老闆賣醬料 高EQ回應刻薄影評令電影場次激增

岑珈其首次擔正電影《緣路山旮旯》的男主角,有影評專頁的KOL以刻薄言辭批評其外貌,難得當事人大方回應,獲網民大讚高EQ,為應付突如其來的捧場客,電影場次亦由每日60場增至約90場。珈其回覆《頭條娛樂》,「多謝每一個畀評語我嘅人,令我有機會同空間進步。」近年憑網台「試當真」同ViuTV《膠戰》成功入屋的珈其,因知名度大增而有信心首次做老闆,跟前男團PlayTime隊友各投資6位數推出「辣魚醬」,希望在經濟上買個保障。採訪:杜杜 攝影:Stanley 場地:陪著你走甜品

珈其在電影《緣路山旮旯》中,跟余香凝等5位女角都有感情戲。

 

珈其在《緣路山旮旯》中跟5位女主角余香凝、陳漢娜、蘇麗珊、梁雍婷及張紋嘉都有感情戲,有影評專頁的KOL指電影令人難受,更刻薄批評珈其長相,「佢血色稀薄嘅毒X嘴極具存在感,每一次見到佢大大力溝女,心裡面就X出聲,想跳入個SCREENX佢,想坐時光機欺凌佢,欺凌到佢大個唔敢做演員。」

 

影評專頁的KOL狂踩電影及珈其外貌。

 

批評成進步動力

這篇人身攻擊的影評換來大量網民狠插,難得珈其以高EQ親自回應,「多謝你嘅分享,我嘅樣衰令你難受,影響到你唔好意思,但我真係真係好鍾意做演員,就算你坐時光機返去我以前細個欺凌我,我都會想做演員。」更坦言樣衰改唔到,但會努力做好演出,希望將來可以得到對方嘅支持。珈其的大方回應獲網民力撐,大讚他演得好,更稱會入場支持他。

珈其高EQ留言回應,KOL即笠水。

電影於上周四(4日)上映,每日只得60場次,經粉絲強烈要求下,戲院近日終增至約90場,而珈其自小長大的「主場」屯門,亦有兩間戲院上映,本周一(8日)他更親到屯門戲院謝票,給力撐的粉絲帶來驚喜。對於今次事件珈其表現相當正面,他重申唔會被打沉,「絕對接受任何評語,其實每一個人嘅評語都係幫助我成長,多謝每一個畀評語我嘅人,令我有機會同空間進步,所以好多謝一路上支持我同畀評語我嘅觀眾朋友,無論係正面定負面,我都會接收聆聽,畀心機做好演員嘅本份,希望可以愈做愈好。」

珈其跟《緣路山旮旯》導演黃浩然,驚喜現身屯門戲院謝票。

 

身為屯門友的珈其,跟導演黃浩然跟觀眾大合照留念。

疫情加速做老闆

自小已立志做演員的珈其,就算被批評都冇想過放棄,不過最近決定經營副業,跟前男團PlayTime隊友梁曉豐(Anjo),各投資6位數搞「辣魚醬」生意,全因疫情令他想為家人買個保障,「自己夢想係做表演,老闆好似離我好遠咁,但適逢有呢個緣份,同埋疫情嚴重時,冇工開真係手停口停,一個人都可以撐住,我唔食我老婆同阿仔都要食,仲有媽咪呢,一定要諗啲辦法。」「辣魚醬」由Anjo親自研發,令珈其一試難忘,所以決定合作放手一搏,「呢個醬咁值得去做,因為我哋唔係做代理,而係Made in Hong Kong,真係自己落手落腳煮出嚟。」不過珈其強調,友誼第一生意第二,會珍惜同Anjo 多年友情,「我哋講過,最後損手爛腳離場,都唔好影響我哋嘅感情。」

珈其跟前男團PlayTime隊友梁曉豐(Anjo),各投資6位數搞「辣魚醬」生意。

 

「辣魚醬」會跟不同食肆聯乘推出新菜式,珈其大讚除了鹹食,連甜品窩夫都夾到。

 

珈其坦承決心搞生意,最想給家人帶來經濟保障。

 

珈其坦承近年憑「試當真」同《膠戰》成功入屋,令他知名度大增加強了信心,「感恩都入咗屋,原來我個身份去做一啲小生意都有幫助,係一個幾啱嘅時機。」他坦承若然機會在兩年前發生,他未必敢試,「會覺得好難喎,點會成功㗎!」知名度帶挈,珈其為「辣魚醬」做了一次宣傳,好多人已透過社交網主動聯絡他,「好多人話想試呀,又話可以喺佢哋餐廳攞貨,或幫我做個網上平台發售,好多人都好幫手,真係好多謝!」

除了「試當真」外,珈其還憑《膠戰》成功入屋。

 

 

珈其出席「試當真」活動。

 

星島新聞集團慶回歸25周年專題網站,請即瀏覽

點擊以下6大平台 接收加拿大新聞及生活資訊
加拿大星島WhatsApp報料熱線:(437)428-9394

下載「星島新聞(加拿大版)」App,隨時看到最新最快新聞:
iPhone:https://apple.co/2IBi812
Android:https://bit.ly/2Pe8anu

訂閱加拿大星島網電郵快訊,每天可收到最快新聞資訊電郵: https://www.singtao.ca/subscribe/singtao.php

>>>訂閱CCUE YouTube 頻道,查看更多吃喝玩樂、生活資訊影片。
share to wechat

延伸閱讀

share to wechat

延伸閱讀

葉振棠親自聯絡歌手花一年時間籌備慈善專輯 搵周吉佩參與被以為是詐騙信息

金牌監製梅小青34年前勁省鏡!撞樣 「最有女人味的女人」星味不輸花旦

【現場直擊】《七月返歸》多倫多傳媒放映場先睹「驚」喜 MIRROR江𤒹生演繹新香港鬼故事

性感寫真女星內地驚遇意外!一原因致粉碎性骨折 緊急做手術坐專機返港

都市網新聞