独家丨英皇新人黄明德见到张敬轩变鹌鹑 Busking遇路人批评:佢好花心机去闹我
近年音乐圈后浪强劲,其实都多得有不同的选秀节目发掘新人,除了主流电视台举办的《声梦传奇》及《全民造星》等,其实唱片公司都好积极搞比赛,就好似多年前由电视台与唱片公司合办的“新秀歌唱大赛”(后期改名为“全球华人新秀歌唱大赛”),圈中不少红星都是由此起步,如:梅艳芳、黎明、许志安、苏永康、陈奕迅、杨千嬅等等,为乐坛注入新血。英皇近年为迎合时代转变,连“新秀”都转型变真人骚节目《冤枉新秀训练营》在网上播出,今年更发掘了多位有潜质新人,,其中入到最后5强、下周就踏入19岁的黄明德(Dark)就凭好歌喉得到英皇赏识正式出道。撰文:Phoebe 采访:杜杜 摄影:娱乐组
Dark最近已先后推出了2首单曲《留班同学》及《没有穿校服的日子》,讲返当初参加比赛机会,原来他是被选中的幸运儿,“我平时都有Post好多唱歌Cover片上网,因为以前我做开Busking,机缘巧合下英皇搞咗个真人骚《冤枉新秀训练营》,佢哋揾咗我参加踢馆组,好好彩去到决赛最后5强。”由于比赛有网民投票成份,Dark观众缘加实力都唔错,计算投票票数更打入3甲。
面对张敬轩唔敢讲嘢
由于是次比赛于网上播出,Dark都很在意网民的反应,“一出条片就会去睇啲留言有冇人闹我,有啲好深刻嘅,有啲人会话我好寸咁。”他指可能是因为平时说话有些轻佻,或太年轻说话直接而令网民产生错觉。Dark直认面对同辈说话较直接,但面对前辈,他就选择收口,“完全系唔够胆讲嘢,见到所有(英皇)师兄师姐都好兴奋,因为未见过真人呀嘛!不过最深刻系见到轩仔(张敬轩)……张生,唔系轩仔……系张生。”连称呼都唔敢乱叫,睇嚟真系好尊敬轩仔噃!“因为佢畀咗好多提点我哋,佢好好……其实𠮶日佢唔需要过嚟,但佢都好好,畀意见我哋点样做好啲个表演,畀好多想像空间我哋去谂𠮶首歌要点唱。”
Busking唱《陀飞轮》被批评
Dark参加比赛前,曾有5个月Busking的经验,唔讲唔知,原来拣地点Busking都要睇级数,“通常系沙田、大围、旺角𠮶啲区,喺我哋Busking界叫做高级啲,好似好劲先去到旺角Busking,但𠮶阵我开始Busking冇耐,唔敢去𠮶啲地方,咁就留喺啲平民少少嘅地方。”Dark分享Busking走鬼属平常事,最令他深刻是遇到路人批评,“我喺大围唱紧陈奕迅嘅《陀飞轮》,本身有几个人听紧,突然有个女人好远行过嚟话‘好难听呀,返屋企啦’,咁就走咗。我呆咗一呆,之后都继续唱。”他坦言当下感到很尴尬,更因此反思自己,“因为佢一定系觉得我难听先会咁样闹㗎嘛!我返屋企有谂过系咪真系咁难听,佢本身唔系企喺度睇紧我㗎㖞!佢行过咋噃,咁远都听到我咁难听,即系特登行过嚟闹我,佢已经花咗好多心机去闹我,佢本身可以就咁行过,佢好用心话我知难听。”他笑言这次遭遇令他有一段时间不敢唱陈奕迅的歌。他指Busking的确令他变得大胆,很开心可以看到观众的即时反应。
星岛新闻集团庆回归25周年专题网站,请即浏览
下载“星岛新闻(加拿大版)”App,随时看到最新最快新闻:
iPhone:https://apple.co/2IBi812
Android:https://bit.ly/2Pe8anu
订阅加拿大星岛网电邮快讯,每天可收到最快新闻资讯电邮: https://www.singtao.ca/subscribe/singtao.php
>>>订阅CCUE YouTube 频道,查看更多吃喝玩乐、生活资讯影片。