七師傅本周開Show晒命式出Po 唔使出街喺豪宅涼住冷氣曬太陽

本周五及六,七師傅就會於九展Star Hall舉行首個Show《師傅七都識唱笑會》,票價最貴777蚊,上售票網睇已Sold Out,真係恭喜晒。

七師傅擅於投資物業,2011年同家人以1,600萬購入馬鞍山4層高3000呎獨立屋。購入後一直放租,其後租約期滿,佢就拎嚟做度假屋,話方便吸收靈氣喎。因為鍾意投資「磚頭」,擠身圈中富婆之位的七師傅被指擁有10個物業,其中一個位於紅磡,即佢屋企。

因為就嚟開騷,七師傅冇四圍去,佢話要保持心境平靜,鍾意做咩就做咩,「好多公衆地方,例如沙灘,都不方便去,幸運地,家中每一個房間都好大太陽,吹著冷氣曬太陽丶吃水果丶之後浸花浴。」會唔會晒命得滯呀?不過可以喺屋企曬太陽首先你屋企要夠大,窗要更加大,從七師傅上載嘅豪宅家居一角可見,唔只曬太陽冇問題,就算一班人一齊曬都綽綽有餘,又難怪咁招積嘅。

 

好好View,住喺度唔使出街都得。

 

個廳好大,可以開幾枱麻雀。

 

睡房View亦無敵。

 

七師傅喺度浸浴,係咪好有畫面呢?

 

食住生果喺屋企曬太陽。

 

七師傅畫畫。

 

好可愛喎。

 

對於就快開Show,師傅就唔太緊張仲話冇綵排,「我冇綵排,三個小時的表演流程,我望一次就記得了,其他的,就要考我在台上的轉數了。這幾天日夜趕工畫畫,終於完成了油畫,送給某個嘉賓的,你估送給誰?why?」

 

七師傅話冇綵排,但之前其實有跟徒弟「八鮮乳」郭奕芯練舞。

 

網友就冇乜興趣估油畫新主人係邊個,係咁研究七師傅間屋,因為客廳同房都可飽覽靚海景,留言離唔開:「你屋企好靚呀。」又話「九龍站靚景」,點解冇人留意個放滿水同零星玫瑰花瓣嘅浴缸?有無諗到啲咩呢?

 

星島新聞集團慶回歸25周年專題網站,請即瀏覽

 

【看星島*知天下】請立即下載「星島新聞(加拿大版)」App:
iPhone:https://apple.co/2IBi812
Android:https://bit.ly/2Pe8anu
share to wechat

延伸閱讀

share to wechat

延伸閱讀

一文睇《愛回家》瀨尿Mary出道7年顏值轉變 曾組女團賣長腿參加《造星》晒纖腰

星二代兒子丨姜卓文推理劇場演60年代角色 近水樓台向爸爸姜大衛取經

亞視一姐丨薛影儀跟林寶玉被大馬驚慄片名導睇中 踏出進軍大馬第一步

獨家丨江嘉敏終於諗通接受同圈中人拍拖 學識揀留言嚟睇舒服晒

都市網新聞