七师傅本周开Show晒命式出Po 唔使出街喺豪宅凉住冷气晒太阳

本周五及六,七师傅就会于九展Star Hall举行首个Show《师傅七都识唱笑会》,票价最贵777蚊,上售票网睇已Sold Out,真系恭喜晒。

七师傅擅于投资物业,2011年同家人以1,600万购入马鞍山4层高3000呎独立屋。购入后一直放租,其后租约期满,佢就拎嚟做度假屋,话方便吸收灵气㖞。因为钟意投资“砖头”,挤身圈中富婆之位的七师傅被指拥有10个物业,其中一个位于红磡,即佢屋企。

因为就嚟开骚,七师傅冇四围去,佢话要保持心境平静,钟意做咩就做咩,“好多公众地方,例如沙滩,都不方便去,幸运地,家中每一个房间都好大太阳,吹着冷气晒太阳丶吃水果丶之后浸花浴。”会唔会晒命得滞呀?不过可以喺屋企晒太阳首先你屋企要够大,窗要更加大,从七师傅上载嘅豪宅家居一角可见,唔只晒太阳冇问题,就算一班人一齐晒都绰绰有余,又难怪咁招积嘅。

 

好好View,住喺度唔使出街都得。

 

个厅好大,可以开几枱麻雀。

 

睡房View亦无敌。

 

七师傅喺度浸浴,系咪好有画面呢?

 

食住生果喺屋企晒太阳。

 

七师傅画画。

 

好可爱㖞。

 

对于就快开Show,师傅就唔太紧张仲话冇彩排,“我冇彩排,三个小时的表演流程,我望一次就记得了,其他的,就要考我在台上的转数了。这几天日夜赶工画画,终于完成了油画,送给某个嘉宾的,你估送给谁?why?”

 

七师傅话冇彩排,但之前其实有跟徒弟“八鲜乳”郭奕芯练舞。

 

网友就冇乜兴趣估油画新主人系边个,系咁研究七师傅间屋,因为客厅同房都可饱览靓海景,留言离唔开:“你屋企好靓呀。”又话“九龙站靓景”,点解冇人留意个放满水同零星玫瑰花瓣嘅浴缸?有无谂到啲咩呢?

 

星岛新闻集团庆回归25周年专题网站,请即浏览

 

订阅星岛网singtao.ca电邮快讯,每天可收到最快新闻资讯: https://cloud.marketing.ccue.ca/singtao_subscribe

【看星岛*知天下】请立即下载“星岛新闻(加拿大版)”App:
iPhone:https://apple.co/2IBi812
Android:https://bit.ly/2Pe8anu
share to wechat

延伸阅读

share to wechat

延伸阅读

陈柏宇一家三口去完泰国 疯狂食嘢自称又肥又肿

杨潮凯囡囡4岁愈大愈靓太太披婚纱露面 全家梦幻写真由圈中靓太操刀

邓梓峰著高尔夫球装贵气逼人!身家20亿富豪自细跟名师学球技仲识揸飞机

《东周刊》独家|陈庭欣风流男友偷约金毛女断正 拍拖4年结婚无期

都市网新闻