岑珈其首任電影男主角遭人身攻擊 高EQ回應:我樣衰令你難受唔好意思

岑珈其首任男主角的電影《緣路山旮旯》於本月4日上映,由於岑珈其近年拍攝不少ViuTV劇集及參與綜藝節目《膠戰》系列都有亮眼表現,有不少網民都入場支持佢及其他本土演員。不過日前facebook專頁「公仔生猛」中專寫影評的寫手「玫瑰」,就發長文批評《緣》片,更力踩岑珈其外貌,引來網民批評好刻薄之餘,亦引來岑珈其親自回應。

 

岑珈其於《緣路山旮旯》與5位女主角有感情戲。

岑珈其近年參演不少ViuTV劇集都有亮眼表現。

岑珈其(左二)拍《膠戰》成功入屋。

「玫瑰」於文中稱岑珈其為「毒X」(意指:欠缺異性緣的單身男性),指電影令人難受。片中岑珈其配搭5位女主角余香凝、陳漢娜、梁雍婷、蘇麗珊及張紋嘉,有不少感情戲,岑珈其起初被導演黃浩然挑選做愛情片男主角,他都有些驚訝,但他接得套戲都非常努力演出。但卻被影評人「玫瑰」批評其長相,「我忍受唔到方便LOSER代入嘅弱蟲X毒男主角,配埋一堆靚/高過男主角太多嘅女角,佢哋任何稍為親密嘅感情戲都毫無說服力,甚至令人可憐女角,何必呢?」又指自己入場並非為了看岑珈其演出,「但佢血色稀薄嘅毒X嘴極具存在感,每一次見到佢大大力溝女,心裡面就X出聲,如果你入場,你會同我一樣,想跳入個SCREEN打X佢,想坐時光機欺凌佢,欺凌到佢大個唔敢做演員。」最後更批評導演將電影拍成咁,質疑對方有否盡導演的責任,帶出電影「叫人留低」的主旨。

呢篇影評人身攻擊,引來網民批評。

岑珈其任電影男主角被質疑。

影評人「玫瑰」的言論引來網民批評,「老實講,你可以唔鐘意依套電影,但請唔好人身攻擊仍在努力為香港電影努力的人。」又反問影評人「玫瑰」:「做人做到咁mean(刻薄)咁負面,好咩?」更有網民指他的言論似乎起了負面宣傳之效,有網民稱因他的批評,有意入場觀賞《緣》片。

網民批評人身攻擊是不對的。

網民認為言論太刻薄。

岑珈其身為被批評的重點人物,就高EQ留言回應,「多謝你嘅分享,我嘅樣衰令你難受,影響到你唔好意思,但我真係真係好鍾意做演員,就算你坐時光機返去我以前細個欺凌我,我都會想做演員。樣衰我改唔到,但我會努力再做好啲演出,希望將來可以得到你嘅支持。」影評人「玫瑰」即笠水回應,稱岑珈其演技冇問題,只係認為套戲好冇說服力。其他網民就於岑珈其的回應下留言力撐他,大讚他演得好,要繼續努力。

岑珈其高EQ回應。

而影評人「玫瑰」似乎亦知自己言論得罪網民,今日(8日)再發文稱:「高興見到大家踴躍坐時光機嚟,送上猛烈回覆,剃人頭者人亦剃其頭,唔小心做咗光頭仔。我好鍾意寫影評,唔會放棄,一定繼續寫,希望大家以此力道,繼續關注香港電影 。」不過網民亦不太收貨,直接叫他:「算吧啦!」

專頁今日再作回應。

 

星島新聞集團慶回歸25周年專題網站,請即瀏覽

 

點擊以下6大平台 接收加拿大新聞及生活資訊
加拿大星島WhatsApp報料熱線:(437)428-9394

下載「星島新聞(加拿大版)」App,隨時看到最新最快新聞:
iPhone:https://apple.co/2IBi812
Android:https://bit.ly/2Pe8anu

訂閱加拿大星島網電郵快訊,每天可收到最快新聞資訊電郵: https://www.singtao.ca/subscribe/singtao.php

>>>訂閱CCUE YouTube 頻道,查看更多吃喝玩樂、生活資訊影片。
share to wechat

延伸閱讀

share to wechat

延伸閱讀

黎明詩逝世丨莫鎮賢指黎明詩食道癌惡化影響行動拒坐輪椅 揭患病仍出力照顧前夫

黃心穎老公泥鯭融入家中!與一黃家成員攬頭攬頸 黃母喪夫缺席派對?

今期《星島頭條》周刊星期六出版 不容錯過!

第四十八屆香港國際電影節丨梁雍婷開心先後跟姜大衛夫婦合作 廖子妤讚李琳琳狀態勁FIT

都市網新聞